बॉलिवूड अभिनेता सोनू सूद (Sonu Sood) हा कायम गरजूंना मदत करताना दिसतो. त्यांनी आजवर अनेक कुटुंबांची वेगवेगळ्या पद्धतीने मदत केली आहे. अलिकडेच पंजाबमधील पूरग्रस्त गावांना मदत करण्यासाठी स्वतः सोनू सूद पंजाबला पोहचला होता. आता पंजाबनंतर सोनू सूद सोलापूरच्या मदतीला पुढे सरसावला आहे. सोलापूरमध्ये (Solapur Flood) सीना नदीला पूर आला. ज्यामुळे सोलापूरचे मोठे नुकसान झाले आहे.

सोनू सूद हा सामाजिक कार्यासाठी ओळखला जातो. सोनू सूदने सोशल मीडियावर पोस्ट करून सोलापूर पूरग्रस्तांच्या मदतीची माहिती दिली आहे. त्याने व्हिडीओत म्हटल्याप्रमाणे, सोनू सूदची टीम सोलापूरमधील गरजू कुटुंबांना खाण्याचे, मेडिकल कीट्स पोहोचवण्याचे काम करत आहेत. तसेच लवकरच सोनू सूद स्वतः सोलापूरामध्ये पूरग्रस्तांच्या मदतीसाठी जाणार आहे.

व्हिडीओच्या माध्यमातून सोनू सूदने लोकांना मदतीसाठी आव्हान केले आहे. तसेच सध्या सोनू सूदवर चाहत्यांकडून प्रेमाचा आणि कौतुकाचा वर्षाव होत आहे. सोनू सूदने करोना काळात देखील अनेक कुटुंबांना मदत केली आहे. त्याला 'Real Life Hero' या नावाने आता सर्वत्र ओळखले जाते. त्याचे हे मदत कार्य दिवसेंदिवस वाढताना दिसत आहे. तसेच त्यांच्या या कार्यात अनेक लोक सहभागी होत आहे.

वर्कफ्रंट

अभिनेता सोनू सूदने अनेक हिट चित्रपटात काम केले आहे. त्याच्या अभिनयाचे लाखो चाहते आहेत. 2002 मध्ये रिलीज झालेल्या 'शहीद-ए-आझम' या चित्रपटातून सोनू सूदने बॉलिवूडमध्ये पदार्पण केले आहे. त्याने 'आर राजकुमार', 'सिंबा', 'विक्रम राठोड' अशा अनेक चित्रपटांमध्ये काम केले आहे. त्याच्या खलनायकाच्या भूमिका खूप लोकप्रिय झाल्या आहेत.