मराठमोळी अभिनेत्री सोनाली कुलकर्णी (Sonalee Kulkarni) लवकरच 'परिणती - बदल स्वतःसाठी' या चित्रपटातून प्रेक्षकांच्या भेटीला येणार आहे. चित्रपटात सोनाली एका खास भूमिकेत पाहायला मिळणार आहे. ट्रेलर पाहून चाहते चित्रपटासाठी उत्सुक आहेत. या चित्रपटात सोनाली कुलकर्णीसोबत मराठमोळी अभिनेत्री अमृता सुभाष (Amruta Subhash) देखील झळकणार आहे. नुकतेच चित्रपटातील नवीन गाणे प्रेक्षकांच्या भेटीला आले आहे. गाण्यात अमृता आणि सोनाली हटके अंदाजात पाहायला मिळत आहेत.

गाण्याचे नाव काय?

सोनाली कुलकर्णी, अमृता सुभाषच्या 'परिणती - बदल स्वतःसाठी' (Parinati ) चित्रपटातील नवीन गाण्याचे नाव 'राणी' असे आहे. या गाण्याने सोशल मीडियावर चांगलाच धुमाकूळ घातला आहे. सशक्त आणि आत्मनिर्भर स्त्रियांच्या आयुष्याभोवती चित्रपटाची कथा पाहायला मिळत आहे. गाण्याच्या व्हिडीओला हटके कॅप्शन देण्यात आले आहे. लिहिलं की, "नाजूक तिच्या अदांनी, पाजायला पाणी, बघा, बघा, बघा आली ही रानी…"

चित्रपटाची रिलीज डेट

सोनाली आणि अमृताच्या गाण्यावर नेटकऱ्यांकडून कमेंट्स आणि लाइक्सचा वर्षाव होत आहे. 'परिणती - बदल स्वतःसाठी' हा चित्रपट 1 ऑगस्टपासून प्रेक्षकांच्या भेटीला येणार आहे. वैशाली माडे आणि प्राजक्ता शुक्रे यांनी हे गाणे गायले आहे. सोनाली कुलकर्णी आणि अमृता सुभाष पहिल्यांदाच एक स्क्रीनवर पाहायला मिळणार आहेत.

'परिणती - बदल स्वतःसाठी' चित्रपटाचे दिग्दर्शन आणि लेखन अक्षय बाळसराफ यांनी केले आहे. चित्रपटात सोनाली कुलकर्णी आणि अमृता सुभाष मुख्य भूमिकेत पाहायला मिळणार आहेत.