विश्वभूषण लिमये, सोलापूर

आजकाल सोशल मीडियाच्या माध्यमातून अनेक जण प्रसिद्ध होत आहेत. काहींना या प्रयत्नात यश मिळते ते काहींना अपयशाला सामोरे जावे लागते. अशात आता एका रीलस्टारच्या आत्महत्येची घटना समोर आली आहे. सोलापुरमध्ये राहणाऱ्या 21 वर्षीय मुलाने आपले आयुष्य संपवले आहे. आयुष्य संपवण्या आधी या तरूणाने इन्स्टाग्राम दोन फोटो पोस्ट करून मेसेज लिहिला. प्रज्वल बसवराज कैनुरे असे या तरूणाचे नाव आहे.

सोलापुरच्या तरुणाने राहत्या घरी दोरीने गळफास घेऊन आत्महत्या केली. ही घटना सोलापूर येथील शेळगी परिसरात मित्र नगरात घडली. बुधवारी दुपारी पावणेदोनच्या सुमारास ही घटना घडली. सोलापुरच्या तरुणाने इन्स्टाग्रामवर फोटो पोस्ट करून त्यावर 'आज हम है, कल हमारी याद होगी' जब हम ना होगे हमारी बाते होगी....असा संदेश लिहिला आहे.

प्रज्वलने गळफास घेतल्याचे समजताच त्याच्या कुटुंबियांनी त्याला रुग्णालयात दाखल केले. मात्र डॉक्टरांनी प्रज्वलला तपासून मृत घोषित केले. प्रज्वलच्या अशा अचानक जाण्याने त्यांच्या कुटुंबावर दुःखाचा डोंगर कोसळला आहे. प्रज्वलचा मृतदेह शवविच्छेदनासाठी शासकीय रुग्णालयात पाठवण्यात आला.

प्रज्वल काम काय करायचा?

मिळालेल्या माहितीनुसार प्रज्वल सोलापूरमध्ये मार्केट यार्ड येथे काम करत होता. तसेच तो कामासोबत सोशल मीडियावर रील देखील बनवत होता. त्याचे इन्स्टाग्रामवर 4,356 फॉलोअर्स होते. तो अविवाहित असून त्याच्या पश्चात कुटुंबात आई आणि एक लहान भाऊ आहे.

शेवटची पोस्ट

"सॉरी पब्लिक

माफ करा मित्रानों खूप मोठा निर्णय घेतला आहे मी...माझ्या आईची माझ्या भावाची काळजी घ्या हेच माजी इच्छा आहे..."