प्रसिद्ध गायक मोहित चौहान (Mohit Chauhan Viral Video) आपल्या सुरेल आवाजाने कायम प्रेक्षकांना मंत्रमुग्ध करतात. त्यांचा मोठा चाहता वर्ग आहे. जगभरात वेगवेगळ्या ठिकाणी त्यांचे लाईव्ह कॉन्सर्ट होत राहतात. असा एक लाईव्ह परफॉर्मन्स करतानाचा मोहित चौहानचा एक व्हिडीओ सोशल मीडियावर तुफान व्हायरल होत आहे. मोहित चौहान लाईव्ह परफॉर्मन्स करताना स्टेजवर अचानक कोसळला, ज्यामुळे चाहते चिंतेत पडले आहे.

शनिवारी रात्री (7 डिसेंबर 2025) भोपाळ येथील एम्स येथे गायक मोहित चौहान यांच्या लाईव्ह परफॉर्मन्स सुरू असताना मोहित चौहान अचानक घसरून स्टेजवर पडला. मोहित चौहान रॉकस्टारमधील 'नादन परिंदे' गाणे गात असताना हा अपघात झाला. प्रेक्षकांसोबत गाणे गाताना स्टेजच्या लाईट्सजवळ येताच तो अचानक एका लाईटिंग फिक्स्चरला धडकला आणि त्याचा तोल गेला. हा व्हिडीओ सोशल मीडियावर झपाट्याने व्हायरल झाला. स्टेजवर काय घडले हे पाहून प्रेक्षक थक्क झाले.

मोहित चौहान स्टेजवर पडल्याचे समजताच काही क्षणातच आयोजक आणि सहकारी त्याचा मदतीला धावले आणि त्याला उचलले. त्यानंतर त्यांनी न थांबता पुन्हा गाणे सुरू केले. कार्यक्रमानंतर मोहित चौहानवर वैद्यकीय उपचार करण्यात आले. मोहित चौहानचे अचानक असे स्टेजवर पडणे चाहत्यांसाठी धक्कादायक होते. गायक मोहित चौहान हे एम्स भोपाळ येथे आयोजित वार्षिक महोत्सव 'रेटिना ८.०' मध्ये लाईव्ह परफॉर्मन्स करत होते. रात्री ११च्या सुमारास ही घटना घडली.

कार्यक्रमानंतर व्हिडिओ आणि फोटो सोशल मीडियावर व्हायरल झाले. अनेक चाहत्यांनी चिंता व्यक्त केली आहे आणि लवकर बरं होण्यासाठी मोहित चौहानला शुभेच्छा दिल्या आहेत. 'सद्दा हक', 'तुम से ही', 'इलाही' अशी अनेक सुपरहिट गाणी त्याने गायली आहेत. मोहित चौहानचे गाणे ऐकण्यासाठी चाहते मोठ्या संख्येने उपस्थित होते.