प्रसिद्ध रॅपर आणि गायक बादशाह (Badshah ) कायम कोणत्या ना कोणत्या कारणामुळे चर्चेत असतो. त्याचे गाण्याचे लाखो चाहते दिवाने आहेत. तो एक लग्जरी आयुष्य जगत आहे. नुकतीच बादशाहने एक लग्जरी कार खरेदी केली आहे. जे पाहून तुमच्याही मनाला भुरळ पडेल. बादशाहने खरेदी केलेली कार भारतातल्या काही मोजक्या लोकांकडेच आहे.

बादशाहने सोशल मीडियावर पोस्ट करून आलिशान कारची एक झलक दाखवली आहे. कारवर कस्टम नेम टॅग देखील लावण्यात आला आहे. त्यांने या व्हिडीओला खूपच हटके कॅप्शन दिले आहे. त्याने कॅप्शनमध्ये लिहिलं की, "Zen wale ladke" बादशाहच्या या व्हिडीओवर चाहते, कलाकार मंडळींकडून शुभेच्छांचा वर्षाव होत आहे.

कारचे नाव आणि किंमत?

रोल्स-रॉइस कलिनन सीरिज II ही जगातील लग्जरी एसयूव्हींपैकी एक आहे. बादशाहच्या नवीन कारचे नाव रोल्स-रॉइस कलिनन सीरिज II (Rolls-Royace Cullinan Series II) असे आहे. या कारची किंमत तब्बल 12.45 कोटी रुपये आहे.

कारची वैशिष्ट्ये

बादशाहने खरेदी केलेल्या नवीन लग्जरी कारमध्ये 6.75 लिटर ट्विन-टर्बो v12 इंजिन आहे. हे इंजिन 563 बीएचपी आणि 850 एनएम टॉर्क जनरेट करते. कारला 23 इंच ऑप्शनल व्हील्स आहेत. तसेच कारमध्ये इल्युमिनेटेडे ग्रिल, स्लिमर हेडलाइट्स देखील आहेत. भारतात अशा लग्जरी कार मुकेश अंबानी, अल्लू अर्जुन, शाहरुख खान यांसारख्या मोजक्या सुपरस्टार्सकडे आहेत.