सुप्रिम म्हसकर, साम टीव्ही, प्रतिनिधी

सुंदर दिसणे कोणाला आवडत नाही? त्यातही जर तुम्ही ग्लॅमर्स क्षेत्रात असाल तर तुम्हाला सौदर्यांची विशेष काळजी घ्यावी लागते. तारुण्य टिकवण्यासाठी अनेक जण वेगवेगळी औषध घेत असतात. अभिनेत्री शेफाली जरीवालाच्या मृत्यूनंतर ती अँटी-एजिंग व्हाईल्स, व्हिटॅमिन्स इंजेक्शन्स आणि गॅस्ट्रिक औषधं घेत असल्याचं समोर आलं आणि अनेकांना धक्का बसला.

तारुण्य टिकवण्यासाठी घेत असलेली औषधं नेमकी मानवी शरीरासाठी किती हानिकारक आहेत.. पाहूयात...

तारूण्याच्या नादात जीवाचा घात?

1) अँटी-एजिंग व्हाईल्स

अँटी-एजिंग व्हाईल्स औषधं, इंजेक्शन्स स्वरुपात उपलब्ध

तारुण्य टिकवण्यासाठी, सुरकुत्या कमी करण्यासाठी औषधांचा वापर

औषधांच्या दीर्घकाळ वापरानं यकृताचं नुकसान

2) व्हिटॅमिन इंजेक्शन्स

थकवा दूर करण्यासाठी आणि ऊर्जेसाठी इंजेक्शन्सचा वापर

व्हिटॅमिन ए आणि डीचे अधिक प्रमाण शरीरासाठी हानिकारक

मूत्रपिंड आणि यकृताशी संबंधित आजार

3) गॅस्ट्रिक औषधे

औषधामुळे पोटातील आम्ल कमी होण्यास आणि अन्नपचनास अडथळा

दीर्घकाळ औषधं घेतल्यानं शरीरात व्हिटॅमिन बी 12 ची कमतरता

कॅल्शियमचे शोषण कमी होत असल्यानं हाडे कमकुवत

दरम्यान अशाप्रकारच्या औषधांना FDA नं मान्यता दिला नसल्याचा दावा डॉक्टरांनी केलाय. त्यामुळे शेफालीच्या मृत्यूला अशीच औषधं कारणीभूत असल्याचीही चर्चा आहे.

शेफाली जरीवालाच्या मृत्यूमागील खरं कारण अद्याप समोर आलेलं नाही. अभिनेत्रीचा मृत्यू हृदयविकाराच्या झटक्याने झाल्याची प्राथमिक माहिती आहे. मात्र जर शेफाली घेत असलेली औषधंही याला कारणीभूत ठरली असतील तर ही गंभीर बाब आहे. त्यामुळे तारूण्य अबाधित राखण्यासाठी तुम्ही पण अशी औषध घेत असाल तर आत्ताच सावध व्हा.नाहीतर तारूण्याच्या नादात फुका जीव गमवाल....