DDLJ Movie Released For Week: शाहरुख खान आणि काजोलचा यांचा 'दिलवाले दुल्हनिया ले जायेंगे' (DDLJ) हा चित्रपट बॉलिवूडमधील एक गाजलेला चित्रपट आहे. आदित्य चोप्रा दिग्दर्शित हा चित्रपट भारतीय चित्रपटाच्या इतिहासातील सर्वात जास्त काळ चालणारा चित्रपट आहे. या ब्लॉकबस्टर चित्रपटाने शाहरुख खान आणि काजोलला सुपरस्टार बनवले.

यशराज फिल्म्सने त्यांच्या सोशल मीडियावर याबाबत पोस्ट करत माहिती दिली आहे. यावर्षी व्हॅलेंटाईन डेच्या निमित्ताने, डीडीएलजे संपूर्ण भारतात पुन्हा प्रदर्शित केला जाणार आहे. प्रेक्षकांना पुन्हा या चित्रपट च आनंद घेता येणार आहे.

रोहन मल्होत्रा, उपाध्यक्ष वितरण, YRF म्हणाले, “दिलवाले दुल्हनिया ले जायेंगे (DDLJ), सिनेमाच्या इतिहासातील सर्वात जास्त काळ चालणारा चित्रपट आहे. हा चित्रपट प्रदर्शित झाल्यापासून भारत आणि भारतीयांसाठी पिढ्यानपिढ्या रोमान्सचा प्रतीक झाला आहे. आम्हाला प्रेक्षक आणि चाहत्यांकडून चित्रपटाच्या प्रदर्शनासाठी सतत मागणी केली जात होती. जेणेकरून मित्र आणि कुटुंबासह थिएटरमध्ये पुन्हा पुन्हा हा चित्रपट पाहता येईल!

यंदा व्हॅलेंटाईन डेच्या निमित्ताने त्यांची इच्छा पूर्ण करत आहोत. 10 फेब्रुवारीपासून संपूर्ण भारतात, DDLJ फक्त एका आठवड्यासाठी प्रदर्शित होईल.

DDLJ मुंबई, पुणे, अहमदाबाद, सूरत, वडोदरा, गुडगाव, फरीदाबाद, लखनौ, नोएडा, डेहराडून, दिल्ली, चंदीगड, कोलकाता, गुवाहाटी, बेंगळुरू, हैदराबाद, इंदूर, चेन्नई, वेल्लोर आणि त्रिवेंद्रमसह भारतातील 37 हून अधिक शहरांमध्ये प्रदर्शित होईल. सर्व प्रेक्षकांसाठी हे खूपच मनोरंजक आहे की या व्हॅलेंटाईन डेच्या काळात, ते शाहरुख खानला राज या भूमिकेत पठान आणि DDLJमध्ये चित्रपटगृहांमध्ये पाहू शकतात.