मुंबई : शाहिद कपूर(Shahid Kapoor) आणि त्याची पत्नी मीरा राजपूत स्वित्झर्लंडमध्ये एकमेकांसोबत वेळ घालवत आहेत. हे जोडपे त्यांच्या सोशल मीडिया पोस्टच्या माध्यमातून चाहत्यांना सतत फोटो आणि व्हिडिओद्वारे त्याची झलक दाखवत असतं. शाहिदने आज सकाळी मीरा राजपूतसोबतचे काही रोमँटिक फोटो शेअर केले आहेत. शाहिद कपूरचे चाहते त्यांच्या फोटोवर कमेंट करून प्रेमाचा वर्षाव करत आहेत.

शाहिद कपूरने त्याच्या इंस्टाग्राम अकाउंटवर (Instagram) पत्नी मीरा राजपूतसोबतचा एक रोमँटिक फोटो शेअर केला आहे. या फोटोमध्ये मीरा शाहिदच्या खांद्यावर डोके ठेवताना दिसत आहे. तिने गॅागल घातला आहे. तसेच त्यांच्या मागे निसर्गरम्य वातावरण आहे.

शाहिद कपूरच्या या पोस्टवर अनेक चाहते कमेंट करून आपल्या प्रतिक्रिया देत आहेत. 'मीरा कबीर सिंगची खरी प्रीती आहे', असे एका चाहत्याने कमेंटमध्ये लिहिले आहे. "तुम्ही दोघेही खूप छान दिसत आहात', असेही एका यूजरने म्हटले आहे. त्याचबरोबर अनेकांनी कमेंट सेक्शनमध्येही हे कपल कायम सोबत राहावे यासाठी प्रार्थना केली आहे.

शाहिदने मीरासोबतचा अजून एक फोटो इन्स्टाग्राम अकाउंटाच्या स्टोरीवर शेअर केला आहे. ज्यामध्ये मीरा बॅकलेस यलो ड्रेसमध्ये दिसत आहे. या ड्रेसमध्ये ती खूप सुंदर दिसत आहे. या फोटोमध्ये ती कॅमेऱ्यापासून दूर उभी आहे.

मीरा राजपूत आणि शाहिद कपूर बर्‍याच दिवसांपासून स्वित्झर्लंडमध्ये सुट्टी घालवत आहेत आणि सतत सुंदर लोकेशन्सचे फोटो शेअर करत आहेत. मीरा आणि शाहिदनेही त्यांच्या मुलांसोबत तिथल्या ट्रेनच्या सफरीचाही आनंद घेतला.