Shah Rukh Khan: बॉलिवूडचा किंग शाहरुख खानने जगभरात आपली ओळख निर्माण केली आहे. त्याचे चाहते केवळ भारतातच नाही तर परदेशातही प्रचंड प्रमाणात आहे. शाहरुखने अनेक वेळा सिद्ध केले आहे की तो खरोखरच बॉलिवूडचा किंग आहे. आता, या अभिनेत्याने आणखी एक किताब मिळवला आहे. शाहरुख खानचे नाव आता जगातील सर्वात स्टायलिश सेलिब्रिटींमध्ये समाविष्ट झाला आहे.

जगातील सर्वात स्टायलिश सेलिब्रिटींमध्ये शाहरुख खानचे नाव

द न्यू यॉर्क टाईम्सने या वर्षीच्या सर्वात स्टायलिश सेलिब्रिटींची यादी जाहीर केली आहे. या यादीत शाहरुख खानचाही समावेश आहे. शाहरुख खानसोबतच या यादीत सबरीना कारपेंटर, डोची, वॉल्टन गॉगिन्स, जेनिफर लॉरेन्स, शाई गॉर्जियस-अलेक्झांडर, कोल एस्कोला आणि नोआ वायल अशी नावे आहेत.

ही यादी फॅशनवर आधारित एक वेगळी ओळख निर्माण करणाऱ्या जगभरातील व्यक्तींना सन्मानित केली जाते. या वर्षी मेट गालामध्ये पदार्पण आणि खास स्टाईलसाठी 60 वर्षीय अभिनेत्याचे विशेष कौतुक करण्यात आले. या प्रतिष्ठित फॅशन कार्यक्रमात पहिल्यांदाच शाहरुख खानने उपस्थित राहून सर्वांचे लक्ष वेधून घेतले.

आगामी चित्रपट

शाहरुख खानच्या आगामी चित्रपटांबद्दल बोलायचे झाले तर, तो लवकरच "किंग" मध्ये दिसणार आहे. विशेष म्हणजे, "किंग" हा शाहरुख खानचा त्याची मुलगी सुहाना खानसोबतचा पहिलाच चित्रपट आहे. शाहरुख आणि सुहाना व्यतिरिक्त, या चित्रपटात दीपिका पदुकोण देखील मुख्य भूमिकेत आहे. पठाण नंतर, सिद्धार्थ आनंद दुसऱ्यांदा शाहरुख खान काम करत आहे.