Shah Rukh Khan Gets Grand Welcome In Kashmir: बॉलीवूडचा किंग खान या वर्षात कमालीचा चर्चेत आहे, शाहरूखचा ‘पठान’ चित्रपट बॉक्स ऑफिससह ओटीटीवर देखील चांगलाच धुमाकूळ घालत आहे. गेल्या काही दिवसांपूर्वीच ‘जवान’ चित्रपटाची शूटिंग संपली असून आता तो त्याच्या ‘डंकी’ चित्रपटाच्या शूटिंगसाठी रवाना झाला आहे. शाहरुख त्याच्या आगामी ‘डंकी’ चित्रपटाच्या शूटिंगसाठी टीमसोबत काश्मिरला जातानाचे फोटो सध्या सोशल मीडिया व्हायरल होत आहेत.

शाहरूखचा आगामी ‘जवान’ चित्रपट येत्या जुन महिन्यात प्रदर्शित होण्याची शक्यता आहे. तर ‘डंकी’ चित्रपट या वर्षा अखेरीस प्रदर्शित होणार आहे. अनेकदा शाहरूखच्या शूटिंग स्पॉटवरून सोशल मीडियावरून फोटो व्हायरल झाले आहेत. गेल्या काही दिवसांपूर्वी निर्मात्यांनी डंकीच्या प्रदर्शनाची तारीख शेअर करत चित्रपटाचा एक टीझर शेअर केला होता. नुकतीच शाहरूख आणि ‘डंकी’ चित्रपटाची प्रोडक्शन टीम आज काश्मिरला रवाना झाली आहे. शाहरूख अनेक वर्षांनंतर ‘डंकी’ चित्रपटाच्या शूटिंगच्या निमित्ताने काश्मिरला जात आहे. यापूर्वी किंग खान ‘जब तक है जान’च्या शूटिंगच्या निमित्ताने काश्मिरला गेला होता.

शाहरूखचा सध्या ब्लॅक सुटाबुटात, गळ्यात पांढरी शाल घातलेली दिसते, जी त्याला हॉटेलच्या कर्मचार्‍यांनी भेट म्हणून दिली होती. त्याच्या टीमचा एक सदस्य त्याच्यासोबत फुलांचा मोठा गुच्छ घेऊन जाताना दिसत आहे. दुसऱ्या व्हिडिओमध्ये तो डझनभर लोकांनी घेरलेल्या कारमधून बाहेर पडताना दिसत आहे.

शाहरुख सध्या ‘डंकी’ चित्रपटाच्या शूटिंगमध्ये व्यस्त आहे. मिळालेल्या माहितीनुसार, किंग खान काश्मिरमध्ये ‘डंकी’ चित्रपटातील एका गाण्याच्या शूटिंगसाठी गेला आहे. सध्या त्याचे अनेक फोटो आणि व्हिडीओ सोशल मीडियावर व्हायरल होत आहे. या व्हिडीओवर नेटकरी म्हणतात, त्याच्या एका चाहत्याने ‘आम्ही नेहमीच तुमच्यावर आणि तुमच्या चित्रपटांवर जीवापाड प्रेम करतो.’ असे लिहिले, तर आणखी एक म्हणतो, ‘आपका तो जलवा ही अलग है’ (Bollywood Film)

राजकुमार हिरानी आणि शाहरुख पहिल्यांदाच एका चित्रपटासाठी एकत्र काम करत आहेत. या चित्रपटात तापसी पन्नू देखील आहे. चित्रपटाचे दिग्दर्शन राजकुमार हिराणी यांनी केले असून चित्रपटाचे लेखन अभिजात जोशी यांनी केले आहे. हा एक कॉमिक चित्रपट असून देशभक्ती आणि कॉमेडी यांचे मिश्रण असलेला हा चित्रपट आहे.