बॉलिवूड इंडस्ट्रीतून अभिनेता सलमान खानला जीवे मारण्याच्या धमक्या येत असताना मागील आठवड्यात शाहरूख खानला देखील धमकीचा फोन आला होता. ५० लाखांची मागणी करत शाहरूख खानला ५ नोव्हेंबरला जीवे मारण्याची धमकी मिळाली. पोलिसांना संबंधित व्यक्तीचा धमकीचा फोन आला होता. यानंतर पोलिसांनी शोध घेतला असता शाहरूख खानला धमकी देणाऱ्या व्यक्तीला अटक करण्यात यश आले.
छत्तीसगड रायपूरमधून शाहरूख खानला धमकी देणाऱ्या व्यक्तीस ताब्यात घेतले आहे. फैजान खान असं या व्यक्तीचं नाव आहे. पोलिसांनी रायपूरमधून या व्यक्तीस अटक केली असून फैजानच्या फोनचा वापर धमकी देण्यासाठी करण्यात आला होता. या रिपोर्टमध्ये लिहिलं आहे की, धमकी देणाऱ्या व्यक्तीने कोट्यवधी रुपयांची खंडणीची मागणी केली आहे. तसेच हे पैसे न दिल्यास शाहरुख खानला जीवे मारण्याची धमकी हे स्पष्ट झाले आहे.
शाहरूख खानला धमकी आल्यानंतर पोलिसांनी कॉल ट्रेस केला तेव्हा तो कॉल रायपूरवरून आल्याचं समोर आलं होतं. त्यानंतर पोलिसांचं पथक रायपूरला रवाना करण्यात आले. यानुसार रायपूर येथून शाहरूख खानला धमकी देणारा अटक केला आहे. सध्या या व्यक्तीची शाहरूख खानला धमकी पाठवल्याप्रकरणी चौकशी सुरू आहे.