सुप्रसिद्ध दिग्दर्शक संजय लीला भन्साळी (Sanjay Leela Bhansali ) त्यांचा 'लव्ह अँड वॅार' (Love And War ) नवीन चित्रपट लवकरच प्रेक्षकांच्या भेटीला येत आहे. या चित्रपटात तगडी स्टारकास्ट आहे. या चित्रपटात अभिनेत्री आलिया भट्ट (Alia Bhatt ) , अभिनेता रणबीर कपूर (Ranbir kapoor) आणि विकी कौशल (Vicky Kaushal )पाहायला मिळणार आहे. हे त्रिकूट पहिल्यांदाच या चित्रपटातून प्रेक्षकांच्या भेटीला येणार आहे. दिग्दर्शक संजय लीला भन्साळी यांचे चित्रपट प्रेक्षकांच्या मनावर जादू करतात.

'लव्ह अँड वॅार' या चित्रपटाबद्दल मोठी अपडेट समोर आली आहे. दिग्दर्शक संजय लीला भन्साळी यांनी स्वत: या चित्रपटाची नॉन-थिएट्रिकल डील केली आहे. त्यांनी ही डील नेटफ्लिक्ससोबत करून बेस प्राइज १३० कोटी आहे. संजय लीला भन्साळी यांनी सारेगामाकडून संगीतासाठी ३५ कोटी रुपये मिळाले आहेत. 'लव्ह अँड वॉर'ची नॉन-थिएटर कमाई सुमारे 215 कोटी रुपयांपर्यंत पोहोचण्याची शक्यता आहे. तसेच मीडिया रिपोर्टनुसार, एका मोठ्या नेटवर्कसह चित्रपटाच्या सॅटेलाइट डीलसाठी देखील चर्चा सुरू आहे ज्यामुळे त्यांना जवळपास ५० कोटी रुपये मिळू शकतील.

'लव्ह अँड वॅार' चित्रपटात एक मॅार्डन लव्ह स्टोरी पाहायला मिळणार आहे. 'लव्ह अँड वॉर' चित्रपटाचे सुमारे 200 कोटी बजेट आहे. या चित्रपटात लव्ह ट्रायंगल पाहायला मिळणार आहे. हा चित्रपट २०२६ ला ईदच्या मुहूर्तावर प्रदर्शित होणार आहे. हा चित्रपट बॉक्स ऑफिसवर देखील बंपर कमाई करेल. या चित्रपटाचे प्रेक्षक आतुरतेने वाट पाहत आहेत.