फेब्रुवारी हा प्रेमाचा महिना आहे. सध्या सर्वत्र प्रेमाचे वारे वाहताना दिसत आहे. ही प्रेमाची क्रेझ सध्या बॉक्स ऑफिसवर पाहायला मिळत आहे. लहानांपासून ते मोठ्यांपर्यंत सर्वांच्या मनावर राज्य करणारा 'सनम तेरी कसम' (Sanam Teri Kasam) चित्रपट रि-रिलीज झाला आहे. या चित्रपटाने बॉक्स ऑफिसवर धुमाकूळ घालत आहे. चाहते चित्रपट पाहण्यासाठी थिएटर बाहेर रांगा लावताना पाहायला मिळत आहे. या चित्रपटाने रि-रिलीजमध्ये बंपर कमाई केली आहे.
'सनम तेरी कसम' हा रोमँटिक चित्रपट आहे. या चित्रपटात मुख्य भूमिकेत बॉलिवूड अभिनेता हर्षवर्धन राणे आणि अबिनेत्री मावरा होकेन आहेत. 'सनम तेरी कसम' हा चित्रपट 5 फेब्रुवारी 2016 रोजी थिएटरमध्ये प्रदर्शित झाला होता. या चित्रपटातील गाण्यांनी तर प्रेक्षकांना वेड लावले. हा चित्रपटाला प्रेक्षकांकडून चांगली पसंती मिळाली आहे. ही हृदयस्पर्शी कथा मोठ्या पडद्यावर पाहण्यासाठी प्रेक्षकांनी थिएटरमध्ये गर्दी केली आहे.
'सनम तेरी कसम' हा चित्रपट 7 फेब्रुवारीला प्रेक्षकांच्या भेटीला आला आहे. या चित्रपटाने तीन दिवसात बॉक्स ऑफिसवर रेकॉर्ड ब्रेक कामगिरी केली आहे. 'सनम तेरी कसम' चित्रपटाने पहिल्या दिवशी 4 कोटी रुपयांची कमाई केली आहे. तर दिसऱ्या दिवशी चित्रपटाने 5 कोटींचा व्यवसाय केला आहे. मीडिया रिपोर्टनुसार, 'सनम तेरी कसम' चित्रपटाने 3 दिवशी 5.75 कोटी रुपयांची कमाई केली. चित्रपटाने आतापर्यंत जवळपास एकूण 14.75 कोटी रुपयांची कमाई केली आहे.
'सनम तेरी कसम' हा चित्रपट रिलीज झाला तेव्हा त्याने जवळपास 8-9 कोटींचे कलेक्शन केले होते. मात्र आता पुन्हा रिलीज झाल्यावर चित्रपटाने तीन दिवसात प्रेक्षकांच्या मनावर जादू केली असून 9 कोटींवर कमाई केली आहे. तसेच 7 फेब्रुवारीला रिलीज झालेल्या 'लवयापा' चित्रपटाला ही कलेक्शनच्या बाबतीत मागे टाकले आहे. या चित्रपटाने जवळपास 5 कोटी कमावले आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.