बिग बॉसचा खेळ आता शेवटच्या टप्प्यावर आला आहे. 19 जानेवारीला बिग बॉसचा फिनाले पाहायला मिळणार आहे. आताही बिग बॉसच्या घरात खूप भांडणे आणि राडा होताना पाहायला मिळत आहे. अलिकडेच कशिश कपूर ही बिग बॉसच्या घरातून बाहेर गेली. तिच्या बाहेर जाण्यामुळे अनेकांना वाईट वाटले. बिग बॉसच्या घरात नुकताच नॉमिनेश टास्क पार पडला.

नुकताच बिग बॉसने शोचा नवीन प्रोमो शेअर केला आहे. यात करण वीर आणि शिल्पामध्ये थोडा वाद होताना पाहायला मिळत आहे. व्हिडीओमध्ये करण वीरच्या बोलण्याने दुखावून शिल्पा रडताना पाहायला मिळत आहे. करण वीर शिल्पाला बोलतो की, तुला मला मित्र बोलण्यास लाज वाटते का? "मी ५० दिवस करणला देत आहे आणि त्यासाठी विवियनला ३ दिवस सॉरी बोलत आहे. माझ्य मत स्पष्ट आहे. मी कोणाला स्वतःला गृहित धरायला देणार आहे. मी ही तळ्यात-मळ्यात असलेली मैत्री ठेवणार नाही. "

बिग बॉसच्या घरात विवियन डिसेना आणि करण वीर मेहरामध्ये शोच्या पहिल्या दिवसापासून भांडणे होताना पाहायला मिळत आहेत. नॉमिनेशन टास्कमध्ये करण विवियनला म्हणतो की,"'तू मित्र आहे की शत्रू, हे अद्याप कळलेले नाही. पण तुझ्यासाठी सॉफ्ट कॉर्नर आहे." यावर विवियन डिसेना विचारतो की, "जर सॉफ्ट कॉर्नर आहे तर 'वीकेंड का वार'ला का नाही बोलास" यावरून अजूनही विवियन आणि करण वीरमधील वाद न मिटल्याचे पाहायला मिळत आहे.

घरातील हे बदलते समीकरण शिल्पा शिरोडकर आणि करणवीर मेहराच्या मैत्रीत फूट पाडेल का? हे जाणून घेण्यास चाहते उत्सुक आहेत. आता 'वीकेंड का वार' बिग बॉसच्या घरात सलमान खान कोणाची शाळा घेणार आणि कोणाचे कौतुक करणार हे पाहणे मनोरंजक ठरणार आहे. हा खेळ शेवटच्या टप्प्यावर आल्यामुळे कोण 'बिग बॉस 18' ची ट्रॉफी उचलणार हे पाहण्यासाठी प्रेक्षक आतुर आहेत.