'बिग बॉस 18'च्या (Bigg Boss 18) घरात रोज नवीन ट्विस्ट पाहायला मिळत आहे. दिवसेंदिवस बिग बॉसचा गेम रंगत जात आहे. नुकताच घरात 'टाइम गॉड'चा टास्क पार पडला असून या आठवड्यात 'टाइम गॉड' दिग्विजय सिंह राठी बनला आहे. दिग्विजय 'टाइम गॉड' झाल्यामुळे वादाला नवा विषय मिळाला आहे.

बिग बॉसच्या 'टाइम गॉड'च्या टास्कमध्ये पुरुषांना कठीण परिस्थितीला सामोरे जावे लागले होते. ज्यात सर्व पुरुष सदस्यांना जेलमध्ये टाकण्यात आले होते आणि महिला सदस्य त्यांना जेलमधून बाहेर काढण्यास टॉचर करताना पाहायला मिळत होत्या. या टास्कमध्ये विवियन डिसेना जेल बाहेर पडला. या टास्कमध्ये अविनाश, करणवीर, दिग्विजय, तजिंदर आणि ईशा हे टाइम गॉडच्या स्पर्धेत शेवटपर्यंत पोहचले. अखेर 'टाइम गॉड' दुसऱ्या टास्कमध्ये दिग्विजय विजयी झाला आणि बिग बॉसच्या सातव्या आठवड्याचा 'टाइम गॉड' बनला.

दिग्विजय सिंह राठी (Digvijay Singh Rathee ) 'टाइम गॉड' झाला हे अविनाश (Avinash Mishra ) आणि विवियनला (Vivian Dsena) मुळीच पटले नाही. त्यामुळे यांनी घरात राडा घातला. अविनाश आणि विवियनने घरातील कामे करण्यास नकार दिला. यावर दिग्विजयने काम न करणाऱ्या सदस्याला जेवण मिळणार नाही असा निर्णय दिला. यामुळे या तिघांमध्ये मोठा राडा झालेला पाहायला मिळाला.

बिग बॉसच्या घरातून या आठवड्यात कोण बाहेर जाणार हे पाहणे मनोरंजक ठरणार आहे. या आठवड्यात ॲलिस, कशिश, करणवीर,विवियन, दिग्विजय, चाहत, अविनाश हे सात सदस्य नॉमिनेट झाले आहेत.