Bigg Boss 18: बिग बॉस 18 मध्ये नेमकं काय घडणार? सलमान ऐवजी रवि किशन करणार होस्ट

बिग बॉस 18 च्या पर्व चांगलच सुरू आहे. बिग बॉसच्या घरात दर शनिवारी आणि रविवारी वीकेंड का वार सुरू असतो. सलमान खान सदस्यांची शाळा घेताना दिसायचा. मात्र आता रविवारी बिग बॉसच्या घरात सदस्यांची शाळा घेताना सलमान खान दिसणार नाही. यामागचं काय नेमकं कारण आहे.

नुकताच बिग बॉस 18 चा नवीन प्रोमो रिलीज झाला आहे. यंदा वीकेंड का वार शुक्रवारपासूनच असणार आहे. शुक्रवारी आणि शनिवारी सलमान खान होस्टिंग करणार आहे. तर रविवारी स्पेशल होस्ट म्हणून रवि किशन सदस्यांची शाळा घेणार आहे. त्याचबरोबर वीकेंड का वारच्या वेळेतही बदल करण्यात आलेला आहे.

बिग बॉस 18 च्या लेटेस्ट प्रोमोमध्ये रवि किशन पोलिसाच्या पोशाखात बुलेटवरून 'बिग बॉस' च्या घरात एन्ट्री करत आहेत. रवि किशनचे जोरदार स्वागत होत आहे. त्यानंतर सदस्यांबरोबर रवि किशन भोजपूरी गाण्यावर थिरकताना दिसत आहे. पुढे रवि किशन कुटुबांतील सदस्यांची प्रश्न- उत्तरांची शाळा घेताना दिसत आहे.

मागील आठवड्यात एका ऐवजी दोन स्पर्धक घराबाहेर गेले. मुस्कान बामने ही सदस्यांच्या बहुमताने घराबाहेर गेली. तर प्रेक्षकांच्या मताने नायरा बनर्जी घराबाहेर गेली. त्यानंतर चौथ्या आठवड्यात शहजादा धामी घराबाहेर झाला आहे. तसेच दोन वाइल्ड कार्ड सदस्यांनी एन्ट्री केली. दिग्विजय सिंह राठी आणि कशिश कपूरची ‘बिग बॉस १८’च्या घरात वाइल्ड कार्ड म्हणून एन्ट्री झाली आहे. शोमध्ये एन्ट्री करताच दिग्विजय आणि कशिशमध्ये राडा सुरू झाला आहे.