सलमान खानच्या घरावर गोळीबार करणाऱ्या आरोपींना शस्त्रे पुरवणारा अनुज थापनने मुंबई पोलीस आयुक्त कार्यालयातील लॉकअपमध्ये बुधवारी (१ मे) आत्महत्या केली होती. त्याच्या कुटुंबीयांकडून त्याने आत्महत्या केली नसून त्याची हत्या केली असल्याचा खळबळजनक आरोप केला होता. आता या प्रकरणी महत्वाची अपडेट हाती आलेली आहे. अनुज थापनच्या आईकडून आरोपी अनुज थापनच्या आत्महत्या प्रकरणात मुंबई उच्च न्यायालयात याचिका दाखल केली.

'पोलीस कोठडीत छळ करून अनुजची हत्या करण्यात आली' असा आरोप त्याच्या कुटुंबीयांनी केला होता. यानंतर अनुजच्या कुटुंबीयांनी ह्या प्रकरणी सीबीआय चौकशीची मागणी केली होती. अनुज थापनचा मृत्यू संशयास्पद झाल्याचा दावा त्याच्या आईने याचिकेमध्ये केलेला आहे. अनुज थापनच्या आत्महत्येचं वृत्त हाती आल्यापासूनच त्याच्या कुटुंबीयांकडून आत्महत्याची सीबीआय तपासाची मागणी केली जात होती. या याचिकेची सुनावणी लवकरच होणार आहे. अद्याप सुनावणीची समोर आलेली नाही.

अनुज थापन आणि त्याचा सहकारी सोनू बिश्नोईला २६ एप्रिल रोजी पंजाबमधून अटक करण्यात आली होती. त्या दोघांवरही सलमान खानच्या घराबाहेर गोळीबार करणाऱ्या हल्लेखोरांना शस्त्रे पुरवल्याचा आरोप होता. सलमान खानच्या घरावरील गोळीबार प्रकरणी, अनुज थापन, सोनू बिश्नोई, शूटर सागर पाल आणि विकी गुप्ता यांच्यासह चार जणांना अटक करण्यात आली. तर गँगस्टर लॉरेन्स बिश्नोई आणि त्याचा भाऊ अनमोल बिश्नोईला वॉन्टेड आरोपी म्हणून घोषित करण्यात आले आहे.