मुंबई - बॉलिवूड सुपरस्टार सलमान खानची (Salman Khan) कथित गर्लफ्रेंड यूलिया वंतूर हिने युक्रेनचे (Ukraine) समर्थन करत रशियाला (Russia) हुकूमशहा म्हटले आहे. युलिया वंतूर ही युक्रेनच्या शेजारी देश रोमानियाची नागरिक असून सलमान खानसोबतच्या रिलेशनशिपमध्ये असल्यामुळे ती बऱ्याच दिवसांपासून चर्चेत होती. सलमान खान आणि यूलिया वंतूर या दोघांनीही अद्याप या नात्याला दुजोरा दिलेला नसला तरी दोघेही अनेकदा एकत्र स्पॉट झाले आहेत. लॉकडाऊनच्या काळातही यूलिया आणि सलमान खान पनवेलच्या फार्महाऊसवर एकत्र राहत होते.

रशिया आणि युक्रेनमध्ये सुरू असलेल्या युद्धात यूलिया वंतूरने युक्रेनला पाठिंबा दिला आहे. यूलियाने पुतीन यांच्याप्रती नाराजी व्यक्त केली आहे. जे काही चालले आहे ते गंभीर असून युद्ध हा पर्याय असू शकत नाही असे म्हटले आहे. रुमानियाच्या यूलिया वंतूरने इंस्टाग्रामवर रशिया-युक्रेन वादाचे फोटो पोस्ट केले आहे. या फोटोत एक रशियन पुरुष एका महिलेला मिठी मारताना दिसत आहे. तसेच त्याच्या हातात एक फलक आहे. त्यावर लिहिलं आहे की, "मी रशियन आहे, पण तुमच्यासोबत जे काही घडले त्याबद्दल मी तुमची माफी मागते. असे फोटो शेअर करत यूलिया वंतूरने लिहिले, 'पुतीन सारखे हिंसक, हुकूमशहा आणि युद्धपापी रशियाचे प्रतिनिधित्व करू शकत नाही. यासाठी रशियाच्या जनतेला दोष देणे योग्य नाही.