सलमान खानचा भाऊ अरबाज खान कायम त्याच्या वैयक्तिक आयुष्यामुळे चांगलाच चर्चेत असतो. अशात आता अरबाज खान एका वेगळ्या कारणामुळे चर्चेत आला आहे. अरबाज खानने मुंबईत आलिशान मालमत्ता खरेदी केली आहे. अरबाजने जोगेश्वरी येथे एक अपार्टमेंट खरेदी केले आहे. अरबाज खान एक अभिनेता आणि चित्रपट निर्माता आहे. त्याने खूप मोजकेच चित्रपट केले आहे. तरी तो कोट्यवधींचा मालक आहे.

मीडिया रिपोर्टनुसार, अरबाज खानने जोगेश्वरी येथे 2.78 कोटींना लग्जरी अपार्टमेंट खरेदी केले आहे. हा व्यवहार महिन्याच्या सुरुवातीला अधिकृतपणे नोंदणीकृत झाला होता. अरबाजचे नवीन अपार्टमेंट जोगेश्वरी पश्चिमेमध्ये आहे. हा एरिया सध्या वेगाने विकसित होत आहे. ही मालमत्ता लिंक रोडवरील ऑटोग्राफ रेसिडेन्सी प्रकल्पाचा भाग आहे. इमारतीच्या 27 व्या मजल्यावर अरबाजने घर खरेदी केले आहे. त्यात 1,243 चौरस फूटचा रेरा कार्पेट एरिया आहे. प्रति चौरस फूट ₹22,000 पेक्षा जास्त दराने विकत घेतल्याचे वृत्त आहे. यात दोन पार्किंग स्पॉट्स देखील आहेत.

कागदपत्रांवरून असे दिसून येते की, अरबाजने 17 फेब्रुवारी 2026 रोजी मालमत्ता खरेदी केली. त्याने 16 लाखपेक्षा जास्त स्टॅम्प ड्युटी आणि 30 हजार नोंदणी शुल्क भरले. अपार्टमेंट थेट डेव्हलपर, मुतिस्टार बिल्डर्स एलएलपी कडून खरेदी केले गेले. या प्रोजेक्टचे काम सध्या सुरू आहे. डिसेंबर 2030 पर्यंत काम पूर्ण होणार असल्याचे बोले जात आहे.

संपत्ती किती?

मीडिया रिपोर्टनुसार, अरबाज खानची एकूण संपत्ती जवळपास 500 कोटींच्या आसपास आहे. अरबाज खान अलिकडेच, 'काल त्रिघोरी' मध्ये दिसला होता. तो लवकरच 'बिहू अटॅक', 'श्रीदेवी बंगलो' आणि 'केसर सिंग' या चित्रपटांमध्ये दिसणार आहे. अरबाज खानने 2023 ला शूरासोबत लग्नगाठ बांधली. दोघांनी 2025 ला गोंडस मुलीचे स्वागत केले.