सलमान खानच्या नावाचा बॉलिवूडमधील सर्वात महागड्या अभिनेत्यांच्या यादीत सामावेश होतो. सलमानचा भारतासहित जगभर मोठा चाहता वर्ग आहे. बॉलिवूडवर वर्चस्व गाजवणारा सलमान हा उद्या बुधवारी ५८ वा वाढदिवस साजरा करणार आहे. चाहत्यांच्या लाडका सलमान हा भारताच्या आर्थिक राजधानी मुंबईतील गॅलेक्सी अपार्टमेंटमधील १ बीएचके फ्लॅटमध्ये राहतो. त्याचं कारणही खास आहे. (Latest Marathi News)
सलमान खान (Salman Khan) हा बॉलिवूडचा स्टायलिश अभिनेता म्हणून ओळखला जातो. मात्र, सलमानला साध्या राहणीमानाची आवड आहे. सलमान खान हा वांद्रे येथे गॅलक्सी अपार्टमेंटमधील १ बीएचके फ्लॅटमध्ये राहतो. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
एका सिनेमासाठी १०० कोटीहून अधिक मानधन घेणाऱ्या सलमान खानने कपिल शर्माच्या कार्यक्रमात मोठा खुलासा केला होता. सलमानने म्हटलं होतं, 'मला कुटुंबासोबत राहायला आवडतं. त्या घरात राहून कुटुंबाच्या जवळ आहे. मी कधीही मोठ्या घरासाठी खर्च करणार नाही'. सलमानचं संपूर्ण कुटुंब वांद्रे येथील गॅलेक्सी अपार्टमेंटमध्ये राहत आहे.
सलमान खानचा मित्र आणि प्रसिद्ध कास्टिंग डायरेक्टर मुकेश छाबडाने मुलाखतीत सांगितलं की, 'मी गेल्या १५ वर्षांपासून सोबत काम करत आहे. त्याला महागड्या वस्तूंची आवड नाही. तो दुसऱ्यांच्या मदतीसाठी नेहमी तत्पर असतो. मी गेल्या १५ वर्षांपासून त्याच्या संपर्कात आहे. त्याच्यात फार काही बदल झाल्याचे दिसून आलं नाही'.
सलमानच्या घरातील लिव्हिंग एरियामध्ये सोफा आणि डायनिंग टेबल आहे. तसेच त्याच्या घरात व्यायामासाठीही एक छोटीशी जागा आहे. वर्कफ्रंटविषयी बोलायचं म्हटलं तर सलमान खानचा नुकताच एक सिनेमा प्रदर्शित झाला आहे. 'किसी का भाई किसी की जान' या सिनेमात सलमानची झलक पाहायला मिळाली होती. तर सलमानचा ‘टाइगर 3’ सिनेमा लवकरच प्रेक्षकांच्या भेटीला येणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.