सध्या सर्वत्र भाईजानच्या 'बिग बॉस २०' ची तुफान चर्चा पाहायला मिळत आहे. काही दिवसातच 'बिग बॉस हिंदी २०' सुरू होणार आहे. यंदा बिग बॉसच्या घरात कोण कोणते कलाकार दिसणार याची चर्चा सोशल मीडियावर चांगलीच रंगली आहे. अशात आता 'बिग बॉस २०' चा नवीन प्रोमो आला आहे, ज्यात सलमान खान एका वेगळ्या अंदाजात पाहायला मिळत आहे.

'बिग बॉस २०' च्या ट्रेलरमध्ये सलमान खानने 'एक्स्ट्रा जीवन दान' (Extra Jeevan Daan) या अनोख्या 'ट्विस्ट'ची ओळख करून दिली, ज्यामुळे यंदा संपूर्ण खेळच बदलला जाणार आहे. ट्रेलरची सुरुवात दोन योद्ध्यांमधील तीव्र लढाईने होते आणि त्यानंतर सलमान खानची दमदार एन्ट्री होऊन तो ही लढाई थांबवतो. "बिग बॉस में मिलेगा, मेरी जान... एक्स्ट्रा जीवन दान," अशी घोषणा करून आणि त्यानंतर आपल्या खास शैलीत "तथास्तु" (Tathas-two) म्हणत, सलमान या सीझनची मुख्य थीम सादर करतो.

'बिग बॉस २०' च्या नव्या थीममधून असे दिसून येते की, जिथे प्रत्येक निर्णयाला अधिक महत्त्व असेल आणि प्रत्येक स्पर्धकाला पूर्वी कधीही न खेळल्यासारखे खेळण्याचे आव्हान पेलावे लागेल. स्पर्धकांना जरी ही अतिरिक्त संधी मिळणार असली, तरी ती नेमकी कधी आणि कशी वापरात येईल, हे या सीझनचे सर्वात मोठे गुपित आहे.

'बिग बॉस २०' कधीपासून सुरू होणार?

सलमान खान होस्ट करत असलेले 'बिग बॉस २०' ६ सप्टेंबरपासून पाहायला मिळणार आहे.