'सैयारा' (Saiyaara) या प्रेम कथेने अवघ्या जगाला वेड लावले आहे. चित्रपटाच्या कलेक्शनमध्ये दिवसेंदिवस वाढ होताना पाहायला मिळत आहे. 'सैयारा' चित्रपटातील नव्या जोडीने सोशल मीडियावर धुमाकूळ घातला आहे. चित्रपटातील गाण्यांची क्रेझ भन्नाट पाहायला मिळत आहे. 'सैयारा' चित्रपटाचे दिग्दर्शन मोहित सूरी यांनी केले आहे. या चित्रपटात अनीत पड्डा (Aneet Padda) आणि अहान पांडे (Ahaan Panday) मुख्य भूमिकेत झळकले आहेत.

'सैयारा' चित्रपट आता लवकरच 200 कोटींचा टप्पा पार करणार आहे. रिलीजच्या दुसऱ्या वीकेंडला चित्रपट किती कोटींची कमाई करणार याकडे प्रेक्षकांचे लक्ष लागून आहे. 'सैयारा' चित्रपट 18 जुलैला रिलीज झाला आहे. चित्रपटाने आठ दिवसांत किती कोटींचा व्यवसाय केला जाणून घेऊयात.

'सैयारा' बॉक्स ऑफिस कलेक्शन दिवस 8

• पहिला दिवस - 21 कोटी रुपये

• दुसरा दिवस - 26 कोटी रुपये

• तिसरा दिवस - 37.75 कोटी रुपये

• चौथा दिवस - 24 कोटी रुपये

• पाचवा दिवस - 25 कोटी रुपये

• सहावा दिवस - 21 कोटी रुपये

• सातवा दिवस - 15.13 कोटी रुपये

• आठवा दिवस - 17.50 कोटी रुपये

• एकूण - 190.25 कोटी रुपये

ओटीटी रिलीज

मीडिया रिपोर्टनुसार, 'सैयारा' चित्रपटाचे बजेट 40 ते 60 कोटींच्या दरम्यान आहे. चित्रपटाने आपले बजेट देखील वसूल केले आहे. 'सैयारा' ही एक प्रेम कथा असून संघर्ष करणाऱ्या संगीतकाराची गोष्टी देखील यात सांगितली गेली आहे. 'सैयारा' चित्रपट थिएटर गाजवल्यानंतर ओटीटीवर पाहता येणार आहे.

मीडिया रिपोर्टनुसार, 'सैयारा' चित्रपटाचे ओटीटी राइट्स नेटफ्लिक्सने विकत घेतले आहे. 2 ते 3 महिन्यांनंतर ही रोमँटिक लव्हस्टोरी तुम्हाला ओटीटीवर पाहायला मिळेल. मात्र अद्याप 'सैयारा'च्या ओटीटी रिलीजची अधिकृत डेट जाहीर करण्यात आली नाही आहे.