मुंबई : चित्रपट आणि मालिका अभिनेत्री, दिग्दर्शक मृणाल कुलकर्णीने (Mrinal Kulkarni) मनोरंजन विश्वात हक्काचं स्थान निर्माण केलं आहे. चित्रपटाचं दिग्दर्शन आणि लेखन यांचा वेगळेपणा नेहमीच त्यांनी चित्रपटाच्या कथातून सादर केला आहे. नुकताच मृणाल कुलकर्णीने सोशल मीडियावर( Social Media) एक पोस्ट शेअर केली आहे,जी सध्या चर्चेत आहे.

मृणाल कुलकर्णीने तिच्या इन्स्टाग्राम अकाउंटवर आगामी चित्रपटाचे मोशन पोस्टर शेअर केले आहे. सहेला रे.... एक मखमली नातं १ ऑक्टोबर पासून फक्त प्लॅनेट मराठी ओटीटीवर !असा भन्नाट कॅप्शन दिला आहे.

मृणाल कुलकर्णी दिग्दर्शित 'सहेला रे' हा चित्रपट येत्या १ ऑक्टोबर रोजी प्रेक्षकांच्या भेटीला येणार आहे. या वेबचित्रपटात मृणाल कुलकर्णी, सुबोध भावे आणि सुमित राघवन यांच्या प्रमुख भूमिका आहेत. सोशल मीडियावर ' सहेला रे'चे पोस्टर रिलीज झाले असून चित्रपटाची कथा नातेसंबधावर आधारित आहे.

दुबईमध्ये 'एक्स्पो २०२० दुबई' या सोहळ्यात 'प्लॅनेट मराठी'च्या 'सहेला रे' या चित्रपटाचे टीझर लाँच करण्यात आले होते. गोवा इंटरनॅशनल फिल्म फेस्टिवलमध्ये या चित्रपटाचा विशेष शो आयोजित करण्यात आला होता. आता चित्रपट लवकरच प्रेक्षकांच्या भेटीला येत आहे.