36 Gunn : 'लग्न करताय! असायला पाहिजेत हे गुण' सांगणाऱ्या संतोष जुवेकरच्या'३६ गुण' चित्रपटाचे पोस्टर आऊट

मुंबई: अभिनेता संतोष जुवेकर ( Santosh Juvekar)मराठी चित्रपट सृष्टीतील एक सुप्रसिद्ध अभिनेता आहे. त्याच्या अभिनयाने त्याने अनेक मालिका आणि चित्रपटात अधिराज्य गाजवलं आहे. मोरया चित्रपटातून त्याने खास लोकप्रियता मिळवली. सोशल मीडियावर संतोष जुवेकर कायमच सक्रिय असतो. आता देखील त्याने सोशल मीडियावर एक पोस्ट केली आहे. ती सध्या चर्चेत असताना नुकताच संतोषच्या आगमी '३६ गुण' ह्या चित्रपटाचं पोस्टर रिलीज झालं आहे. चित्रपटाच्या शीर्षकाने चित्रपटाविषयीची चाहत्याची उत्सुकता वाढवली आहे.

मराठमोळा अभिनेता संतोष जुवेकरने आगामी ३६ गुण या चित्रपटाचे पोस्टर रिलीज केले आहे. ३६ गुणांवर भाष्य करणारा ३६ गुण हा चित्रपट प्रेक्षकांच्या भेटीला येत आहे. तरुण पिढीच्या दृष्टीकोनातून भारतीय लग्नसंस्थेवर भाष्य करणारा हा मनोरंजक चित्रपट आहे. या सिनेमाचं शूटिंग मुंबई आणि लंडनमध्ये पार पडलं आहे. आतापर्यंत न पाहिलेले लंडन आणि वेगळा विषय '36 गुण' या सिनेमात मांडण्यात आला आहे. चित्रपटात संतोष जुवेकर आणि पूर्वा पवार मुख्य भूमिकेत आहे.

'3६ गुण' या सिनेमाच्या दिग्दर्शनाची धुरा समित कक्कडने सांभाळली आहे. चित्रपटात संतोष जुवेकरसह पुष्कर श्रोत्री, विजय पाटकर, वैभव राज गुप्ता, स्वाती बोवलेकर हे कलाकारदेखील मुख्य भूमिकेत दिसणार आहेत. '३६ गुण' हा सिनेमा येत्या ४ नोव्हेंबरला प्रेक्षकांच्या भेटीला येणार आहे.

Edited By- Manasvi Choudhary