मराठी दिग्गज अभिनेते सचिन पिळगांवकर (Sachin Pilgaonkar) कायम कोणत्या ना कोणत्या कारणामुळे चर्चेत असतात. त्यांनी आजवर अनेक चित्रपटांमध्ये दमदार अभिनयाने प्रेक्षकांची मने जिंकली आहेत. सचिन पिळगांवकर हे एक उत्तम दिग्दर्शक देखील आहेत. त्यांनी मराठीसोबतच हिंदी चित्रपटसृष्टी गाजवली आहे. नुकताच प्रवाह पिक्चर वाहिनीने सोशल मीडियावर व्हिडीओ शेअर केला आहे. ज्यात सचिन पिळगांवकर आणि सुप्रिया पिळगावकर यांनी 'आम्ही सातपुते' या चित्रपटाच्या सेटवरचा एक किस्सा सांगितला आहे.

'आम्ही सातपुते' या चित्रपटाबद्दलही सचिन पिळगांवकर म्हणाले की, "मी 'आम्ही सातपुते' चित्रपट 'सत्ते पे सत्ता' हा हिंदी सिनेमा पाहून बनवला नाही. 'सत्ते पे सत्ता' चित्रपट 'सेव्हन ब्राईड्स फॉर सेव्हन ब्रदर्स' या चित्रपटापासून प्रेरणा घेऊन बनवण्यात आला. आम्ही सुद्धा 'आम्ही सातपुते' चित्रपट बनवताना 'सेव्हन ब्राईड्स फॉर सेव्हन ब्रदर्स' चित्रपटातून प्रेरणा घेतली. 'सत्ते पे सत्ता' चित्रपटात दुहेरी भूमिका आहेत. मात्र आम्ही असे काहीच केले नाही. "

पुढे मुलाखतीत सचिन पिळगांवकर यांनी सांगितले की, "'आम्ही सातपुते' (Aamhi Satpute) चित्रपटातील 'वहिनी' हे पात्र खूप आवडले. कारण ती घरी आल्यानंतर सगळ्यांना सुधारते." या चित्रपटाला प्रेक्षकांडून खूप प्रेम मिळाले. चित्रपटाची कथा प्रेक्षकांना खूप आवडली. आजही चित्रपटाची गाणी खूप प्रसिद्ध आहेत. चित्रपटात सुप्रिया पिळगावकर मुख्य भूमिकेत पाहायला मिळत आहे.

'आम्ही सातपुते' चित्रपट

2008 साली 'आम्ही सातपुते' चित्रपट प्रेक्षकांच्या भेटीला आला. या चित्रपटात सचिन पिळगांवकर आणि सुप्रिया पिळगावकर मुख्य भूमिकेत दिसले. यात सात भावांची कथा दाखवण्यात आली आहे. या चित्रपटात सचिन पिळगांवकर, सुप्रिया पिळगावकर स्वप्नील जोशी, अशोक सराफ, अतुल परचुरे, निर्मिती सावंत, अली असगर, वृषसेन दाभोळकर, आनंद अभ्यंकर, अमृता संत, स्वाती देवल आणि नयन जाधव यांनी काम केले आहे.