Rapper Raftaar Singh and His Wife Komal Vohra Fill For Divorce Saam Tv
मनोरंजन बातम्या

Rapper Raftaar Divorce: रॅपर रफ्तार लग्नाच्या ६ वर्षानंतर देणार पत्नी कोमल वोहरला घटस्फोट

रॅपर रफ्तार सिंग आता त्याची पत्नी कोमल वोहरा हिला घटस्फोट देणार असल्याचे वृत्त आहे. लग्नाच्या ६ वर्षानंतर त्यांनी आपले वैवाहिक नाते संपवण्याचा निर्णय घेतला आहे.

ब्युरो रिपोर्ट, साम टीव्ही, मुंबई

मुंबई: बॉलिवूड असो किंवा टीव्ही इंडस्ट्री. अनेकांच्या नात्यांमध्ये दुरावा निर्माण होत असल्याचे वृत्त दररोज समोर येत आहे. अलीकडच्या काही वर्षांत या चंदेरी दुनियेतील अनेक जोडप्यांनी एकमेकांपासून दूर राहण्याचा निर्णय घेतला आहे. आता आणखी एक जोडपं विभक्त होणार आहे. आपल्या जबरदस्त रॅपिंग आणि अप्रतिम स्टाईलने चाहत्यांमध्ये आपली खास ओळख निर्माण करणारा रॅपर रफ्तार सिंग (Rapper Raftaar)आता त्याची पत्नी कोमल वोहरा (Komal Vohra) हिला घटस्फोट (Divorce) देणार असल्याचे वृत्त आहे. लग्नाच्या ६ वर्षानंतर त्यांनी आपले वैवाहिक नाते संपवण्याचा निर्णय घेतला आहे.

रॅपर रफ्तार सिंगने त्याची पत्नी कोमल हिच्यासोबत २०१६ मध्ये लग्न केलं होत. आता दोघेही आपलं वैवाहिक नातं संपवणार आहेत. २०२०मध्ये त्यांनी घटस्फोटासाठी अर्ज दाखल केला होता. पण काही कारणास्तव दोघांचा घटस्फोट होऊ शकला नाही. रफ्तार अनेक दिवसांपासून आपल्या पत्नीपासून वेगळा राहत आहे. दोघे बऱ्याच दिवसांपासून वेगळे राहत होते.

एका वृत्तपत्राच्या माहितीनुसार, रफ्तार आणि कोमल यांचा घटस्फोट कोरोना महामारीमुळे पुढे ढकलला गेला आणि आता दोघेही ६ ऑक्टोबर २०२२ रोजी घटस्फोटाच्या कागदपत्रांवर स्वाक्षरी करून आपले नाते संपवणार आहेत. लग्नानंतर काही महिन्यांतच त्यांच्यामध्ये वाद होऊ लागले होते, परंतु एकमेकांच्या कुटुंबांसाठी ते दोघे हा संसार करत होते. परंतु आता अखेरीस त्यांनी घटस्फोट घ्यायचा निर्णय घेतला आहे. रफ्तार आणि कोमल यांनी आपापल्या इन्स्टाग्राम हँडलवरून एकमेकांना अनफॉलो केले आहे. त्याचबरोबर त्यांच्या लग्नाचे फोटोही इन्स्टाग्राम अकाउंटवरुन काढून टाकेल आहेत.

कोमल ही टीव्ही कलाकार करण आणि कुणाल वोहरा यांची बहीण आहे. रफ्तार आणि कोमलच्या नात्याची सुरुवात मैत्रीपासून झाली. मैत्रीचे रुपांतर प्रेमात झाले आणि ५ वर्षांच्या एकत्र सहवासानंतर दोघांनी २०१६ मध्ये लग्न केले. आता २०२२ मध्ये त्यांचं नातं संपुष्टात येणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Pitru Paksha 2025: पितृपक्षात कपडे विकत घेणे का टाळावे? जाणून घ्या नेमकं कारण

Nepal Protest: नेपाळमध्ये सोशल मीडिया बंदीविरोधात आंदोलन पेटलं; १८ मृत्यू, २५० पेक्षा जास्त जखमी|VIDEO

Maharashtra Politics : आमची लोक वाघाची शिकार करायची, आता...; राष्ट्रवादीच्या आमदाराचं वादग्रस्त विधान

Vice President Election: उपराष्ट्रपती निवडणुकीआधी मोठी घडामोड; 'या' दोन पक्षांचा मतदानास नकार, काय आहे कारण?

Maharashtra Live News Update: मुंब्रा येथील इमारतीच्या खोलीत मोठ्या प्रमाणावर सिलिंगचे प्लास्टर पडले

SCROLL FOR NEXT