रणबीर कपूरच्या 'रामायण' चित्रपटाचा बोलबाला सर्वत्र पाहायला मिळत आहे. चाहते चित्रपट पाहण्यासाठी खूपच उत्सुक आहेत. रणबीर कपूर आणि 'रामायण' चित्रपटाची टीम चित्रपटाचे दमदार प्रमोशन करताना दिसत आहेत. अशात 'रामायण'चे कलाकार अनेक मिडिया मुलाखती देत आहेत. अशात रणबीर कपूरने एक मोठे वक्तव्य केले आहे. ज्यामुळे सोशल मीडियावर 'रामायण'च्या तिसऱ्या पार्टची चर्चा चांगलीच रंगली आहे.

'रामायण' पार्ट ३ येणार?

रामायणाचे दोन भाग बनणार हे आधीच घोषित करण्यात आले होते. पण आता रणबीरने नुकतेच असे काही म्हटले आहे ज्यामुळे तिसऱ्या भागाबद्दल चर्चा सुरू झाली आहे. 'रिव्ह्यू नेशन'शी बोलताना रणबीर म्हणाला, "मी दुसऱ्या भागाचे ५० टक्के काम आधीच पूर्ण केले आहे. आम्ही अजूनही चित्रीकरणाच्या प्रक्रियेत आहोत. दुसरा किंवा तिसरा भाग (जर तो असेल तर) पूर्ण झाल्यावरही, मला नाही वाटत की ही गोष्ट आम्हाला कधी सोडून जाईल. परिणाम काहीही असो, ही आयुष्यात एकदाच मिळणारी संधी आहे. ही करिअर घडवणारी गोष्ट नाही, तर आयुष्य घडवणारी गोष्ट आहे."

सोशल मीडियावरील चर्चा

रणबीर कपूरचे हे वक्तव्य सोशल मीडियावर तुफान व्हायरल होत आहे. रणबीरच्या वक्तव्यानंतर, लोक विचारत आहेत की रामायणाचा तिसरा भाग येणार आहे का? अनेकांच्या मते रणबीरने एक मोठा स्पॉइलर दिला आहे. मात्र अद्याप अधिकृतरित्या 'रामायण' पार्ट ३ ची घोषणा झाली नाही.

'रामायण' चित्रपट

'रामायण' पार्ट १ चे दिग्दर्शक नितेश तिवारी आणि निर्मिते नमित मल्होत्रा आहेत. 'रामायण' मध्ये रणबीर कपूर प्रभू श्रीरामाच्या भूमिकेत, तर साई पल्लवी सीतेच्या भूमिकेत दिसणार आहेत. याशिवाय, साऊथ अभिनेता यश रावणाच्या भूमिकेत झळकणार आहे. सनी देओल हनुमानाच्या भूमिकेत आणि रवी दुबे लक्ष्मणाच्या भूमिकेत आहेत. या चित्रपटात अरुण गोविल, लारा दत्ता, रकुल प्रीत सिंग, कुणाल कपूर आणि काजल अग्रवाल यांसारख्या अनेक कलाकार महत्त्वाच्या भूमिकांमध्ये दिसणार आहेत. चित्रपटाचे एकूण बजेट ४००० कोटी रुपये आहे.'रामायण' पार्ट १ दिवाळीत ५ नोव्हेंबरला रिलीज होणार आहे.