Sourav Ganguly Biopic: भारतीय क्रिकेटचे महाराजा किंवा 'दादा' म्हणून ओळखले जाते असे भारतीय राष्ट्रीय क्रिकेट संघाचे दिग्गज खेळाडू भारताच्या सर्वात यशस्वी क्रिकेट कर्णधारांपैकी सौरव गांगुली यांच्या जीवनावर आधारित चित्रपट येत आहे. या चित्रपटात एक बॉलिवूड अभिनेता राजकुमार राव सौरव गांगुलीची भूमिका साकारणार आहे,

सौरव गांगुलीने पश्चिम बंगालच्या वर्धमान येथे एका कार्यक्रमादरम्यान या बातमीला दुजोरा दिला. दरम्यान, वेळापत्रकातील अडचणींमुळे हा बायोपिक प्रदर्शित होण्यास एक वर्षापेक्षा जास्त वेळ लागेल. एमएस धोनी: द अनटोल्ड स्टोरी आणि ८३ सारख्या अलीकडील चरित्रात्मक क्रीडा नाटकांच्या हिट चित्रपटांनंतर हा चित्रपट लवकरच येणार आहे.

सौरव गांगुली यांनी केली पृष्टी

माध्यमांशी बोलताना सौरव गांगुली म्हणाले, "मी जे ऐकले आहे त्यावरून, राजकुमार राव ही भूमिका (मुख्य भूमिका) साकारेल. पण तारखांच्या समस्या असल्यामुळे या चित्रपटाला मोठ्या पडद्यावर येण्यासाठी एक वर्षापेक्षा जास्त वेळ लागेल." सौरव गांगुलीचा बायोपिकमध्ये केवळ त्याच्या १८,५७५ आंतरराष्ट्रीय धावाच नव्हे तर त्याच्या आक्रमक कर्णधारपदाचा आणि भारतीय क्रिकेटवरील त्याच्या प्रभावाचाही समावेश असेल.

डावखुरा फलंदाज आणि माजी कर्णधार असलेल्या या गांगुलीने भारतासाठी ११३ कसोटी आणि ३११ एकदिवसीय सामने खेळले. त्यांच्या आंतरराष्ट्रीय कारकिर्दीत सौरव गांगुलीने सर्व फॉरमॅटमध्ये १८,५७५ धावा केल्या. बंगाल क्रिकेट असोसिएशन (CAB) चे अध्यक्ष म्हणून नियुक्त झाल्यानंतर, कोलकात्याचे राजकुमार गेल्या वर्षी ऑक्टोबरमध्ये भारतीय क्रिकेट नियामक मंडळाचे (BCCI) अध्यक्ष झाले.