Chhaava Movie Create History: आया रे तुफान...; 'छावा'ची सिंहगर्जना थेट लंडनमध्ये; चित्रपटाने रचला नवा इतिहास

Chhaava Movie Create History: 'छावा' चित्रपट प्रदर्शित झाल्यापासूनच प्रेक्षकांमध्ये लोकप्रिय होत आहे आणि यावेळी या चित्रपटाने इतिहास रचला आहे. पहिल्यांदाच लंडनच्या पॅलेस ऑफ वेस्टमिन्स्टरला एका आश्चर्यकारक बॉलिवूड कॅनव्हासमध्ये रूपांतरित करण्यात आले. एवढच नाही तर खास लाईट शो आणि मोठ्या प्रोजेक्टरवर छावा चित्रपटातील ए.आर. रहमान यांचे 'आया रे तुफान' हे गाणे वाजवण्यात आले.

भारतीय चित्रपटसृष्टीसाठी हा एक ऐतिहासिक क्षण होता, कारण 'छावा' चित्रपटातील 'आया रे तुफान' हे गाणे जागतिक व्यासपीठावर आपली छाप सोडत आहे. जे भारतीय सांस्कृतिचे जागतिक स्तरावर प्रतिनिधीत्व करत आहे. ही माहिती मॅडडॉकच्या अधिकृत X अकाउंटवरून मिळत आहे.

'आया रे तुफान' या चित्रपटाने न्यू यॉर्कच्या टाइम्स स्क्वेअरवरही आपला ठसा उमटवला आहे. जिथे प्रसिद्ध नृत्यांगना लॉरेन गॉटलीब आणि एका प्रतिभावान पथकाने चित्रपटातील या गाण्याचे उत्तम रित्या सादरीकरण करत या गाण्यावर वेगळी छाप सोडली.

लक्ष्मण उतेकर दिग्दर्शित आणि दिनेश विजन निर्मित 'छावा' हा चित्रपट जगभरातील प्रेक्षकांना प्रभावित करत आहे, याचे मुख्य कारण विकी कौशलने छत्रपती संभाजी महाराजांची उत्तमरीत्या साकारलेली भूमिका आहे. शिवाजी सावंत यांच्या 'छावा' या मराठी कादंबरीवर आधारित, हे ऐतिहासिक नाटक या वर्षीच्या सर्वात उत्तम रिलीज ठरले आहे.