Rahul Vaidya VS Virat Kohli: क्रिकेटपटू विराट कोहली आणि गायक राहुल वैद्य यांच्यातील सोशल मीडिया वाद सध्या चर्चेचा विषय ठरला आहे. या वादाची सुरुवात विराट कोहलीने अभिनेत्री अवनीत कौरच्या एका पोस्टला 'लाइक' केल्याने झाली. या घटनेनंतर विराटने स्पष्टीकरण देताना सांगितले की, हे 'लाइक' इंस्टाग्रामच्या अल्गोरिदममुळे चुकून झाले आहे. या स्पष्टीकरणावर राहुल वैद्यने एक व्हिडिओ शेअर करून विराटवर टीका केली आणि त्याच्या चाहत्यांना 'जोकर' असे संबोधले.

राहुलने आपल्या व्हिडिओमध्ये सांगितले की, "आजपासून असे होऊ शकते की अल्गोरिदम माझ्या वतीने अनेक फोटो 'लाइक' करेल, जे मी केलेले नाहीत. त्यामुळे कोणतीही मुलगी कृपया यावर पीआर करू नका, कारण ही माझी चूक नाही, ही इंस्टाग्रामची चूक आहे." यानंतर त्याने आणखी एक व्हिडिओ शेअर करून म्हटले की, "विराट कोहलीने मला ब्लॉक केले आहे, हेही कदाचित इंस्टाग्रामची गडबड असेल. इंस्टाग्रामच्या अल्गोरिदमने विराटला सांगितले असेल की, 'मी तुझ्या वतीने राहुल वैद्यला ब्लॉक करतो.'"

या व्हिडिओनंतर विराटच्या चाहत्यांनी राहुलवर सोशल मीडियावर टीका केली. राहुलने आपल्या इंस्टाग्राम स्टोरीमध्ये लिहिले की, "विराट कोहलीचे चाहते विराटपेक्षा मोठे जोकर आहेत!" त्याने पुढे लिहिले की, "आता तुम्ही मला शिव्या देता, ते ठीक आहे, पण माझ्या पत्नीला, माझ्या बहिणीला शिव्या देता, ज्यांचा या प्रकरणाशी काहीही संबंध नाही. त्यामुळे मी बरोबर होतो. म्हणूनच तुम्ही सर्व विराट कोहलीचे चाहते जोकर आहात, 2 कौडीचे जोकर."

या वादानंतर राहुलने स्पष्ट केले की, तो विराटचा क्रिकेटर म्हणून चाहता आहे, पण माणूस म्हणून त्याचे समर्थन करत नाही. त्याने सांगितले की, "विराट कोहलीने मला काही कारणास्तव ब्लॉक केले आहे. मला आजही कारण समजलेले नाही. मी त्याचा चाहता होतो आणि क्रिकेटर म्हणून असेनच, पण माणूस म्हणून नाही."