प्रसिद्ध दिग्दर्शक एस.एस.राजामौली (SS Rajamouli) यांच्या चित्रपटांचे चाहते दिवाने आहेत. त्यांनी आजवर अनेक सुपरहिट चित्रपट केले आहे. सध्या ते आपला आगामी चित्रपट 'ग्लोबट्रोटर' (Globetrotter) मुळे चर्चेत आहेत. या चित्रपटात साऊथ सुपरस्टार महेश बाबू (Mahesh Babu) आणि बॉलिवूडची देसी गर्ल प्रियंका चोप्रा झळकणार आहे. SSMB29 पाहण्यासाठी प्रेक्षक आतुर आहे. नुकताच चित्रपटातील प्रियंका चोप्राचा फर्स्ट लूक समोर आला आहे.

'ग्लोबट्रोटर' चित्रपटाचे दिग्दर्शक एस.एस.राजामौली यांनी ट्विट करून प्रियंका चोप्राचा चित्रपटातील फर्स्ट लूक शेअर केला आहे. त्यांनी प्रियंकाचा एक ॲक्शन मोडमध्ये फोटो टाकला आहे. आणि त्याला हटके कॅप्शन दिलं आहे. त्यांनी लिहिलं की, "जागतिक स्तरावर भारतीय चित्रपटसृष्टीला नवी ओळख देणारी महिला...देसी गर्लचे (प्रियंका चोप्रा) पुन्हा स्वागत आहे! मंदाकिनीच्या असंख्य छटा जगानं पाहाव्यात, यासाठी मी उत्सुक आहे." अशा शब्दांत एस.एस.राजामौली यांनी प्रियंकाचे कौतुक केले आहे.

प्रियंका चोप्राने देखील आपल्या 'ग्लोबट्रोटर' चित्रपटातील फर्स्ट लूकचे पोस्टर सोशल मीडियावर शेअर केले आहे. पोस्टरला तिने खास कॅप्शन दिलं आहे. तिने लिहिलं की, "ती दिसते त्यापेक्षा जास्त आहे... हॅलो मंदाकिनीला..." प्रियंका चोप्राच्या या पोस्टवर चाहते आणि कलाकारांकडून कमेंट्सचा वर्षाव होत आहे. तिच्या लूकचे सर्वत्र कौतुक होत आहे. तसेच चाहते चित्रपटासाठी आता खूपच उत्सुक पाहायला मिळत आहे. नेटकरी तिला नवीन सिनेमासाठी भरभरून शुभेच्छा देत आहेत.

'ग्लोबट्रोटर' चित्रपटात प्रियंका चोप्रा 'मंदाकिनी' (Mandakini) ची भूमिका साकारणार आहे. पोस्टमध्ये प्रियंका चोप्राचा डॅशिंग अवतार दिसत आहे. पिवळी साडी, हातात बंदूक आणि पायात कोल्हापूरी चप्पल घालून प्रियंका ॲक्शन मोडमध्ये दिसत आहे. SSMB29 चित्रपटात ॲक्शन आणि ॲडव्हेंचरचा धमाका असणार आहे.