साऊथ अभिनेता प्रभासचा 'द राजा साब' हा धमाकेदार चित्रपट 9 जानेवारीला थिएटरमध्ये प्रदर्शित झाला. ज्यामुळे चाहते थिएटरमध्ये गर्दी करताना दिसत आहेत. चित्रपटाला पहिल्या दिवशी खूप चांगला प्रतिसाद मिळाला. मात्र या उत्साहाला गालबोट लावणारी घटना घडली. ओडिशातील एका थिएटरमध्ये मोठी दुर्घटना घडली. प्रभासच्या चाहत्यांनी चक्क थिएटरमध्ये आग लावली, ज्यामुळे सर्वत्र गोंधळ उडाला. या घटनेचा एक व्हिडिओ सोशल मीडियावर तुफान व्हायरल होत आहे. या कृत्याबद्दल लोक अभिनेत्याच्या चाहत्यांवर जोरदार टीका करत आहेत.

मीडिया रिपोर्टनुसार, व्हिडीओत दिसणार थिएटरमध्ये प्रभासच्या चाहत्यांनी कन्फेटी (रंगीत कागद) जाळला, ज्यामुळे आग लागली. हे दृश्य पाहून काही चाहत्यांनी आनंद व्यक्त केला, तर काहींनी त्यांच्यावर टीका केली. व्हिडीओमध्ये चाहते गोंधळ घालताना दिसत आहेत. नेटकऱ्यांनी थिएटरच्या सुरक्षेवर प्रश्नचिन्ह उपस्थित केले आहेत. नेटकरी कमेंट्स करत म्हणतात की, अशा कृतींमुळे जीव धोक्यात येऊ शकतो.

व्हिडीओवर कमेंट्स येत आहे की, "हा प्रभासच्या चाहत्यांचा मूर्खपणा आहे. कृपया समजूतदार लोकांसारखे वागा.", "तुम्ही प्रभासचे खरे चाहते असता तर असे कधीही केले नसते..." , "त्याचे मानसिक आरोग्य बिघडलेले दिसते..." हा व्हिडीओ वाऱ्यासारखा इंटरनेटवर व्हायरल होत आहे.

बॉक्स ऑफिस कलेक्शन

प्रभासच्या 'द राजा साब' चित्रपट 9 जानेवारी 2026 ला रिलीज झाला आहे. चित्रपटाच्या दिग्दर्शकाचे नाव मारुती आहेत. Sacnilk च्या रिपोर्टनुसार, चित्रपटाने पहिल्याच दिवसात 45 कोटींची कमाई केली आहे. या चित्रपटात संजय दत्त, बोमन इराणी, मालविका मोहनन, रिद्धी कुमार, योगी बाबू, निधी अग्रवाल आणि ब्रह्मानंदम हे कलाकार झळकले आहेत.