सध्या मनोरंजन विश्वात लग्नसराई पाहायला मिळत आहे. एकीकडे तुमचे आवडते कलाकार लग्नबंधनात अडकले आहेत. तर काहींनी आपल्या नात्याचा खुलासा केला आहे. दुसरीकडे कलाकार नवीन घर आणि गाड्या विकत घेत आहे. एकंदर मनोरंजन सृष्टीत आनंदाचे वातावरण पाहायला मिळत आहे. या वातावरणात एका अभिनेत्रीच्या पोस्टनं सर्वांचे लक्ष वेधून घेतले आहे. तिने अनेक लोकप्रिय मालिकांमध्ये काम केले आहे. तसेच ती एक उत्तम नृत्यांगना देखील आहे.

'फुलाला सुगंध मातीचा' फेम मराठी अभिनेत्री समृद्धी केळकर (Samruddhi Kelkar) आपल्या दमदार अभिनयासाठी ओळखली जाते. या मालिकेने समृद्धीला खूप लोकप्रियता मिळवून दिली. ती सोशल मीडियावर खूप सक्रिय असते. आपल्या कामाविषयी, आपले वेगवेगळ्या लूकचे फोटो आणि वैयक्तिक आयुष्यातील अपडेट ती सोशल मीडियाच्या माध्यमातून चाहत्यांसोबत शेअर केले. नुकतीच तिने एक खास पोस्ट केली आहे.

अभिनेत्री समृद्धी केळकरने इन्स्टाग्राम एक पोस्ट केली आहे. या पोस्टमध्ये समृद्धीने एक फोटो शेअर करून मस्त कॅप्शन दिलं आहे. जे पाहून तिच्या लग्नाच्या चर्चांना उधाण आले आहे. समृद्धीने शेअर केलेल्या फोटोमध्ये तिचा हात पाहायला मिळत आहे. हातामध्ये तिने हिरवा चुडा घातला आहे. तसेच सुरेख मेंहदी काढली आहे. हा फोटो खूपच सुंदर दिसत आहे.

फोटोला दिलेल्या हटके कॅप्शनने चाहत्यांचे लक्ष वेधून घेतले आहे. तिने कॅप्शनमध्ये लिहिलं की, "कळवते लवकरच..." तिच्या या पोस्टवर चाहते आणि कलाकारांकडून प्रेमाचा वर्षाव होत आहे. कमेंट्समध्ये देखील समृद्धीच्या लग्नाच्या चर्चा पाहायला मिळत आहेत. कलाकार हार्टचे इमोजींचा कमेंटमध्ये पाऊस पाडत आहे. तर अक्षय केळकरने "अखेर...वाट पाहतोय..." अशी कमेंट केली आहे. या पोस्टमागे नेमकं कारण काय, जाणून घेण्यास चाहते उत्सुक आहेत.