सध्या थिएटरमध्ये चित्रपटांची मेजवानी पाहायला मिळत आहे. 'वॉर 2' आणि 'कुली'नंतर आता 'परम सुंदरी'ची धुम बॉक्स ऑफिसवर पाहायला मिळत आहे. मात्र रिलीजच्या चौथ्या दिवशीच सिद्धार्थ मल्होत्रा ( Sidharth Malhotra ) आणि जान्हवी कपूरच्या (Janhvi Kapoor) 'परम सुंदरी' (Param Sundari) जादू फेल झालेली पाहायला मिळत आहे. 'परम सुंदरी' चित्रपट 29 ऑगस्टला प्रेक्षकांच्या भेटीला आला आहे. 'परम सुंदरी' रोमँटिक - कॉमेडी ड्रामा आहे.

मीडिया रिपोर्टनुसार, 'परम सुंदरी' चित्रपटाचे बजेट 40-50 कोटी रुपये आहे. परम सुंदरी' चित्रपटाचे दिग्दर्शक तुषार जलोटा आहे. चित्रपटाची कथा दिल्लीतील मुलगा आणि केरळच्या मुलीभोवती फिरते. चित्रपटात दोन संस्कृतींचे सुंदर दर्शन पाहायला मिळते. 'परम सुंदरी' चित्रपट लवकरच 50 कोटींचा टप्पा पार करणार आहे. मात्र सिनेमाच्या कलेक्शनमध्ये मोठी घट झालेली पाहायला मिळत आहे. चित्रपटाने पहिल्या सोमवारी किती कोटींची कमाई केली, जाणून घेऊयात.

'परम सुंदरी' बॉक्स ऑफिस कलेक्शन दिवस 4

• पहिला दिवस - 7.25 कोटी रुपये

• दुसरा दिवस - 9.25 कोटी रुपये

• तिसरा दिवस - 10.25 कोटी रुपये

• चौथा दिवस - 3.50 कोटी रुपये

• एकूण कलेक्शन - 30.25 कोटी रुपये

'वॉर 2' बॉक्स ऑफिस कलेक्शन

हृतिक रोशन आणि ज्युनियर एनटीआर यांच्या 'वॉर 2'चित्रपटाने बॉक्स ऑफिसवर 235.1 कोटी रुपयांचा व्यवसाय केला आहे. तर सोमवारी चित्रपटाने 0.60 कोटी कमावले आहेत.

'कुली' बॉक्स ऑफिस कलेक्शन

रजनीकांत यांच्या 'कुली' चित्रपटाने बॉक्स ऑफिसवर 280.20 कोटींची कमाई केली आहे. तर सोमवारी फक्त 1.10 कोटी रुपये कमावले आहेत.