Abir Gulaal  Saam Tv
मनोरंजन बातम्या

Aabeer Gulaal: पाकिस्तानी अभिनेत्याचा चित्रपट भारतात होणार प्रदर्शित? वाचा महत्वाची अपडेट

Pakistani Actor Fawad Khan: सलग अनेक तारखा पुढे ढकलण्यात आल्यानंतर, अखेर हे स्पष्ट झाले आहे की पाकिस्तानी अभिनेता फवाद खानचा चित्रपट अबीर गुलाल भारतात प्रदर्शित होणार नाही.

Shruti Vilas Kadam

Pakistani Actor Fawad Khan: पाकिस्तानी अभिनेता फवाद खान आणि वाणी कपूर यांचा 'अबीर गुलाल' हा चित्रपट भारतात प्रदर्शित होणार नाही. २२ एप्रिल रोजी भारतात झालेल्या पहलगाम दहशतवादी हल्ल्यानंतर हा चित्रपट अडचणीत आला होता. भारतीय चित्रपटगृहांमध्ये त्याचे प्रदर्शन ९ मे रोजी होणार होते. पण, पहलगाम हल्ला आणि लोकांच्या विरोधामुळे या चित्रपटाचे प्रदर्शन पुढे ढकलण्यात आले आणि नंतर १२ सप्टेंबर रोजी तो भारताव्यतिरिक्त जगभरात प्रदर्शित झाला.

आता काही दिवसांपासून हा चित्रपट २६ सप्टेंबर रोजी भारतात प्रदर्शित होणार असल्याची चर्चा सुरु आहे. पण आता पीआयबीच्या वृत्तानुसार, हा चित्रपट भारतात प्रदर्शित होणार नाही. त्यामुळे या चित्रपटाच्या वाट पाहणारे निराश झाले आहेत.

'अबीर गुलाल' आता प्रदर्शित होणार नाही

प्रेस इन्फॉर्मेशन ब्युरो (पीआयबी) च्या अधिकृत एक्स हँडलने 'अबीर गुलाल'च्या भारतात प्रदर्शित होण्याबाबत एक नवीन ट्विट केले आहे. या पोस्टमध्ये, रिपोर्ट्सचे स्क्रीनशॉट शेअर केले आहेत यामध्ये भारतात अबीर गुलालच्या नवीन प्रदर्शन तारखेबद्दल लिहिले आहे. स्क्रीनशॉट शेअर करताना पीआयबीने लिहिले की, "अनेक माध्यमांकडून असा दावा केला जात होता की फवाद खान आणि वाणी कपूर यांचा 'अबीर गुलाल' हा चित्रपट २६ सप्टेंबर रोजी भारतीय चित्रपटगृहात प्रदर्शित होईल. हा दावा खोटा आहे. चित्रपटाला अशी कोणतीही परवानगी मिळालेली नाही."

आंतरराष्ट्रीय खेळाडू

पहलगाममधील दहशतवादी हल्ल्यानंतर लोकांमध्ये संताप निर्माण झाला होता आणि सोशल मीडियापासून ते रस्त्यांपर्यंत या चित्रपटाचे प्रदर्शन थांबवण्याची मागणी करण्यात आली होती. यामुळे या चित्रपटाचे प्रदर्शन थांबवून चित्रपटाची गाणी यूट्यूबवरून काढून टाकण्यात आली. दरम्यान, फेडरेशन ऑफ वेस्टर्न इंडिया सिने एम्प्लॉईज (FWICE) ने देखील पाकिस्तानी कलाकारांवर बंदी घालणार असल्याचे म्हटले आहे.

LPG Gas Connection : LPG गॅसचा मोठा नियम! एका घरात किती सिलिंडर कनेक्शनला परवानगी?

Health Tips : BP वाढू द्यायचा नसेल तर आजपासूनच करा हे ५ बदल! हृदयाचे आरोग्य राहील चांगले

Maharashtra News Live Update:मनोज जरांगे यांच्या भूमिकेवर प्रश्नचिन्ह.. विखे पाटलांचा राजीनामा आणि मराठा आरक्षण उपसमिती बरखास्त करण्याची मागणी

73 शिक्षकांची हकालपट्टी; आणखी 2,217 शिक्षकांवर कारवाईची टांगती तलवार, शिक्षण क्षेत्रात खळबळ

Indian Railways Ticket : रेल्वे प्रवाशांसाठी खुशखबर! तिकीट बुकिंगचा नियम बदलला, वाचा संपूर्ण प्रोसेस

SCROLL FOR NEXT