Oscars 2025 : लॉस एंजेलिसच्या जंगलात लागलेल्या भीषण आगीमुळे बरीच हानी झाली आहे, त्यामुळे ऑस्कर नामांकनांसाठी मतदानाची वेळ वाढवण्यात आली आहे. अकादमीने सदस्यांना याची माहिती दिली. सीईओ बिल क्रॅमर यांनी तारखेतील बदलाची माहिती दिली. ८ जानेवारी ते १२ जानेवारी दरम्यान सुमारे १० हजार अकादमी सदस्यांसाठी मतदान होणार होते, ज्याची तारीख आता बदलण्यात आली आहे.

अकादमी ऑफ मोशन पिक्चर आर्ट्स अँड सायन्सेसचे सीईओ बिल क्रॅमर यांनी ईमेलद्वारे ही माहिती शेअर केली, दक्षिण कॅलिफोर्नियातील विनाशकारी आगीमुळे प्रभावित झालेल्या सर्व लोकांबद्दल आम्ही आमच्या मनापासून संवेदना व्यक्त करू इच्छितो. आमचे बरेच सदस्य आणि उद्योग सहकारी लॉस एंजेलिसमध्ये राहतात आणि काम करतात त्यांच्यासाठी आम्ही सहानभूती व्यक्त करत आहोत. ८ जानेवारी ते १२ जानेवारी दरम्यान होणारे नामांकनांसाठीचे मतदान आता १४ जानेवारी नंतर घेण्यात येणार आहे.

१९ जानेवारी रोजी घोषणा केली जाईल

१७ जानेवारी रोजी नामांकनांची घोषणा होणार होती ती आता १९ जानेवारी रोजी हे नामांकन केली जाईल. यासोबतच, इतर ऑस्कर वेळापत्रकांमध्ये बदल करण्यात आले आहेत, ज्यामध्ये आंतरराष्ट्रीय फीचर शॉर्टलिस्ट स्क्रीनिंग आठवड्याच्या अखेरीस होत्या त्या पुढे ढकलण्यात आले आहे. याशिवाय, ११ जानेवारी रोजी लॉस एंजेलिस आणि न्यू यॉर्क शहरात होणारा वैयक्तिक लॉस एंजेलिस साउंड ब्रांच बेक-ऑफ आणि मेकअप आर्टिस्ट आणि हेअरस्टायलिस्ट ब्रांच बेक-ऑफ रद्द करण्यात आला आहे. २ मार्च रोजी होणाऱ्या २०२५ च्या ऑस्कर सोहळ्याचे सूत्रसंचालन कोनन ओ'ब्रायन करतील.

१,००० इमारती उद्ध्वस्त झाल्या आहेत.

लॉस एंजेलिस काउंटीमध्ये जोरदार वाऱ्यामुळे लागलेल्या अनेक विनाशकारी आगीत किमान पाच जणांचा मृत्यू झाला आहे आणि अनेक जण गंभीर जखमी झाले आहेत, असे सीएनएनने वृत्त दिले आहे. लॉस एंजेलिस काउंटीमध्ये नोंदलेली ही सर्वात भीषण आग असल्याचे वर्णन केले आहे. मालिबू आणि सैंटा मोनिका जवळील लॉस एंजेलिसच्या वेस्टसाईडवर पेटलेल्या पॅलिसेड्स आगीत आतापर्यंत किमान १,००० इमारती नष्ट झाल्या आहेत. यामध्ये अनेक स्टार्सची घरेही जाळली गेली आहेत. अनेक स्टार्सची घरेही जळून खाक झाली आहेत, ज्यात एडम ब्रॉडी आणि त्यांची पत्नी लेयटन मीस्टर, अॅना फारिस आणि रिअॅलिटी टीव्ही स्टार हेडी मोंटॅग आणि स्पेन्सर प्रॅट यांच्या घरांचा समावेश आहे.