नोरा फतेही 'सरके चुनर तेरी सरके' (sarke Chunri Teri Sarke) गाण्यामुळे प्रचंड ट्रोल होत आहे. हे गाणे 'केडी - द डेव्हिल' (KD: The Devil) चित्रपटातील आहे. या गाण्यावर कायदेशीर कारवाई करण्यात आली आहे. या गाण्यात अश्लील शब्द तसेच अश्लील डान्स स्टेप्समुळे मोठा वाद निर्माण झाला आहे. 'सरके चुनर तेरी सरके' गाण्याचे संगीत दिग्दर्शक अर्जुन जान्या आहेत. गीत रकीब आलम यांनी लिहिले आहे आणि हे गाणे गायक मंगली यांनी गायले आहे. आता या गाण्यावर बॉलिवूड अभिनेत्री आणि डान्सर नोरा फतेहीने आपली पहिली प्रतिक्रिया दिली आहे. तिने निर्मात्यांवर गंभीर आरोप केले आहे.

व्हिडीओमध्ये नोरा फतेहीने म्हटल्यानुसार, नोराने 'सरके चुनर' हे गाणे तीन वर्षांपूर्वी कन्नड भाषेत शूट केले आहे. अभिनेते संजय दत्त झळकणार असल्यामुळे तिने या गाण्याला होकार दिला. तिला मोठ्या अभिनेत्यासोबत काम करण्याची संधी मिळाली. गाण्याच्या भाषांतराबद्दल सर्व निर्मात्यांवर अवलंबून असते. नोराला कन्नड समजत नसल्याने तिने निर्माते जे सांगत आहे, त्यावर विश्वास ठेवला. या गाण्याने हिंदी बोल खूप वाईट असल्याचे नोराने स्वतःने सांगितले आहे. तसेच या सर्वाची नोराला काहीच कल्पना नव्हती. नोराला हिंदी डबिंग विषयी काही माहिती नव्हते. तिला थेट लाँच इव्हेंटमध्ये समजले.

नोरा फतेही व्हिडीओत म्हणाली की, "निर्मात्यांनी माझ्या परवानगीशिवाय हिंदीत व्हिडिओ बनवला. त्यानंतर त्यांनी माझा आणि संजय दत्त यांचा AI जनरेटेड फोटो तयार केला. " नोराला हिंदी समजत असल्यामुळे तिला गाण्याच्या लाँच दरम्यान हे सर्व चुकीचे असल्याचे वाटले. त्यानंतर नोरा दिग्दर्शकाला बोलायला गेली. त्याला सांगितले की, "हे चुकीचे आहे. यावर प्रचंड टीका होणार...माझी प्रतिष्ठा पणाला लागली आहे..."

शेवटी नोरा म्हणाली की, "मी काय नेपो किड नाही. मला पाठिंबा देणारे, माझ्यावर प्रेम करणारे फक्त माझे प्रेक्षक आणि माझे चाहते आहेत. मी तुम्हाला विनंती करते की हे गाणे कुठेही शेअर करू नका...माझ्या चारित्र्यावर वाईट बोलणे थांबवा. मी भविष्यात कोणताही प्रोजक्ट निवडताना अधिक काळजी घेईन. "