Nitin Manmohan: बॉलिवूडवर पुन्हा दुःखाचा डोंगर कोसळला आहे. बोल राधा बोल, लाडला यांसारख्या सुपरहिट चित्रपटांचे निर्माते नितीन मनमोहन यांचे आज, गुरुवारी निधन झाले. हृदयविकाराचा झटका आल्यानं त्यांना रुग्णालयात दाखल करण्यात आले होते. (Bollywood)

हृदयविकाराचा तीव्र झटका आल्यानं त्यांना मुंबईतील (Mumbai) रुग्णालयात दाखल करण्यात आले होते. प्रकृती खालावल्यानं त्यांना व्हेंटिलेटरवर ठेवण्यात आले होते.

मिळालेल्या माहितीनुसार, 3 डिसेंबरला संध्याकाळी नितीन मनमोहन (Nitin Manmohan) यांना हृदयविकाराचा तीव्र झटका आला होता, लगेचच त्यांना मुंबईच्या कोकिलाबेन धीरूभाई अंबानी रुग्णालयात दाखल करण्यात आले होते. नितीन मनमोहन यांना रुग्णालय प्रशासनाने उपचारांना प्रतिसाद देत नसल्याने व्हेंटिलेटरवर ठेवले होते. त्यांची प्रकृती चिंताजनक असल्याचे सांगण्यात आले होते.

नितीन मनमोहन यांनी त्यांच्या कारकिर्दीत अनेक उत्तमोत्तम चित्रपटांची निर्मिती केली होती. 'बोल राधा बोल', 'लाडला', 'दस' यांसारख्या सुपरहिट चित्रपटांची निर्मिती मनमोहन यांनी केली होती, सोबतच सलमान खानच्या 'रेडी' चित्रपटाचीही निर्मिती नितीन मनमोहन यांनीच केली होती. विशेष म्हणजे नितीन (Nithiin) प्रसिद्ध बॉलिवूड अभिनेता मनमोहन यांचे सुपुत्र होते. मनमोहन हे 'ब्रह्मचारी', 'गुमनाम' आणि 'नया जमाना' यांसारख्या चित्रपटांमुळे आजही ओळखले जातात. (Bollywood Films)