Nikki Tamboli Celebrity Masterchef : मराठी बिग बॉसमुळे महाराष्ट्राच्या घराघरात पोहोचलेली निकी तांबोळी तिचा स्पष्ठ वक्तेपणा आणि बोल्ड लुकसाठी प्रसिद्ध आहे. गौरव खन्नासोबत झालेल्या भांडणानंतर निक्की तांबोळी अलीकडेच 'सेलिब्रिटी मास्टरशेफ'च्या सेटवरून बाहेर पडली. सोमवारी, शोच्या निर्मात्यांनी एक प्रोमो रिलीज केला यामध्ये निक्की रागावलेली आणि गौरवला माफी मागण्यास सांगताना दिसत होती. प्रोमोमध्ये निक्की रागाने शोमधून बाहेर पडताना दाखवण्यात आली. ती म्हणाली, 'हा अपमान आहे, मी इथून जाते.' तुम्हाला जे करायचे आहे ते करा, तो सॉरी म्हणेपर्यंत मी येणार नाही.

नंतर प्रोमोमध्ये, शोचे जज, शेफ रणवीर ब्रार निक्कीचे कौतुक करताना दिसले. रणवीर म्हणाला, जेव्हा तिला राग येतो तेव्हा ती स्वयंपाक करताना खूप लक्ष केंद्रित करते. निक्कीने असेही म्हटले की आजचा दिवस तिच्यासाठी खूप मस्त असेल किंवा सर्वात वाईट असेल.

निक्की तांबोळी आणि गौरव खन्ना यांच्यात वाद झाला.

'सेलिब्रिटी मास्टरशेफ' वर निक्की तांबोळी आणि गौरव खन्ना अनेकदा एकमेकांशी भिडताना दिसतात. दोघांमध्ये अनेक वेळा जोरदार वाद झाले आहेत. शोच्या आधीच्या भागांमध्ये, निक्की गौरवला इनसिक्योर म्हणताना दिसून आली आहे. ती म्हणाली होती, 'मला वाटतं की हे इम्युनिटी पिनबद्दल नाहीये, गौरवने हे स्वीकारण्याची वेळ आली आहे की तू एक इनसिक्योर व्यक्ती आहेस.' यावर गौरव हसला.' नंतर, निक्की म्हणाली, 'मला वाटत नाही की कोणाकडेही हे तोंडावर सांगण्याची हिंमत आहे.'

'सेलिब्रिटी मास्टरशेफ' कुठे पाहायचे

दरम्यान, 'सेलिब्रिटी मास्टरशेफ'ची अंतिम फेरी जवळ आली आहे. फैसल शेखने स्वतःसाठी पांढरा एप्रन जिंकला आहे त्यामुळे तो थेट अंतिम फेरीत पोहोचला आहे. तर इतर सर्व स्पर्धक सध्या काळे एप्रन घालत आहेत.'सेलिब्रिटी मास्टरशेफ'चा प्रीमियर सोमवार ते शुक्रवार रात्री ८ वाजता सोनीलिव्हवर होतो.