मनोरंजन विश्वातून धक्कादायक बातमी समोर आली आहे. नागिन फेम अभिनेत्री घटस्फोट घेणार असल्याची चर्चा सोशल मीडियावर चांगलीच रंगली आहे. जानेवारी २०२२ मध्ये लग्न बंधनात अडकलेली अभिनेत्री मौनी रॉय तिच्या वैयक्तिक आयुष्यामुळे चांगलीच चर्चेत आली आहे. मौनी रॉय आणि तिचा नवरा सूरज नांबियार यांनी एकमेकांना सोशल मीडियावर अनफॉलो केले आहे. ज्यामुळे घटस्फोटाच्या चर्चांना उधाण आले आहे. तसेच सूरजने मौनीसोबतचे लग्नाचे फोटोही डिलीट केले आहेत.

मौनी रॉय आणि सूरज नांबियार यांनी अद्याप कोणतीही अधिकृत घोषणा किंवा माहिती दिली नाही. मात्र त्यांच्या नात्यात दुरावा आल्याचे दिसून येत आहे. मौनी रॉयही टिव्ही आणि बॉलिवूडची प्रसिद्ध अभिनेत्री आहे. मौनी सोशल मीडियावर खूप सक्रिय असते. इन्स्टाग्रामवर मौनीचे 33.3 मिलियन फॉलोअर्स आहेत. ती फोटोशूट, प्रोजेक्ट, नवऱ्यासोबतचे फोटो आणि व्हिडीओ शेअर करून चाहत्यांना अपडेट देत राहते. मात्र अलिकेड खूप काळा झाला, दोघे एकमेकांसोबतचे फोटो किंवा व्हिडिओ शेअर करत नाही.

सोशल मीडियावर मौनी रॉय आणि सूरज नांबियार यांच्या नात्याची चर्चा रंगली असताना, चाहते मात्र चिंतेत पडले आहे. सोशल मीडियावर कमेंट करून आपली चिंता व्यक्त करताना चाहते दिसत आहेत. मौनी रॉय आणि सूरज नांबियार यांचा २७ जानेवारी २०२२ रोजी गोव्यामध्ये शाही थाटामाटात लग्नसोहळा पार पडला.

मौनी रॉय करिअर

मौनी रॉयला 'नागिन' या शोमुळे खूप लोकप्रियता मिळाली. तिने रिअलिटी शोमध्ये देखील भाग घेतला आहे. तसेच तिने अनेक चित्रपटांमध्ये काम केले आहे. 'ब्रह्मास्त्र', 'वेले', 'ब्लॅकआउट', 'लव्ह सेक्स और धोखा 2', 'गोल्ड' अशा अनेक चित्रपटांमध्ये काम केले आहे. चाहते तिच्या सौंदर्याचे, अभिनयाचे आणि फिटनेसचे चाहते आहेत.