Mouni Roy: प्रसिद्ध अभिनेत्री मौनी रॉय आणि सूरज नंबियार यांच्या वैवाहिक जीवनात वादळ आले आहे. हे कपल त्यांच्यातील अडचणींमुळे सोशल मीडियावर चर्चेचा विषय बनले आहे. जेव्हा काही नेटकऱ्यांच्या लक्षात आले की मौनी आणि सूरज यांनी इंस्टाग्रामवर एकमेकांना अनफॉलो केले आहे, तेव्हापासून त्यांच्या डिव्होर्स झाल्याच्या अफवा सुरू झाल्या.

अनेक मीडिया रिपोर्ट्समध्ये असा दावा करण्यात आला होता की मौनी रॉय आणि सूरज नंबियार काही काळापासून वेगळे राहत होते, परंतु आता त्यांचा डिव्होर्सआधीच झाल्याचे बोलले जात आहे.

मौनी रॉय आणि सूरज नंबियार यांचा घटस्फोट झाला का?

२०२२ मध्ये मौनी रॉय आणि बिझनेसमॅन सूरज नंबियार यांचे लग्न झाले. एबीपी न्यूजच्या 'सास बहू और साजिश' या शोनुसार, मौनी रॉय आणि सूरज नंबियार केवळ वेगळे राहत नाहीत, तर त्यांचा घटस्फोटही झाला आहे. पण, या कपलने अद्याप त्यांच्या वादग्रस्त वैवाहिक जीवनावर कोणतीही प्रतिक्रिया दिलेली नाही.

२०१९ मध्ये एका मित्राने त्यांची ओळख करुन दिली

'नागिन' अभिनेत्री मौनी रॉय आणि सूरज नंबियार यांची पहिली भेट २०१९ च्या नवीन वर्षाच्या दिवशी एका मित्रामुळे झाली. दोन वर्षे डेट केल्यानंतर, या जोडप्याने २०२२ मध्ये गोव्यात मल्याळम आणि बंगाली पद्धतीने लग्न केले. त्यांच्या लग्नाला मंदिरा बेदी, अर्जुन बिजलानी, आश्का गोरडिया, आमना शरीफ आणि मीट ब्रदर्स यांच्यासह केवळ जवळचे मित्र उपस्थित होते.