अलिकडेच 'आई कुठे काय करते' या मालिकेने प्रेक्षकांचा निरोप घेतला. या मालिकेने प्रेक्षकांचे अनेक वर्ष मनोरंजन केले. आता 'आई कुठे काय करते' मालिकेच्या पाठोपाठ स्टार प्रवाह वाहिनीवरील 'सुख म्हणजे नक्की काय असतं' (Sukh Mhanje Nakki Kay Asta) ही मालिका प्रेक्षकांचा निरोप घेणार आहे. या मालिकेने तब्बल 4 वर्ष प्रेक्षकांचे मनोरंजन केले आहे.

'सुख म्हणजे नक्की काय असतं' या मालिकेचे नुकतेच शूटिंग संपले आहे. मालिकेशच्या शेवटच्या दिवसाच्या सेलिब्रेशनचे व्हिडीओ आणि फोटो सोशल मीडियावर तुफान व्हायरल होत आहेत. 'सुख म्हणजे नक्की काय असतं' ही स्टार प्रवाह वाहिनीवरील खूप गाजलेली मालिका आहे.

जयदीप आणि गौरीच्या या खास गोष्टीने प्रेक्षकांना भुरळ घातली. खूप कमी वेळात ही मालिका खूप लोकप्रिय झाली. सेलिब्रेशनच्या व्हिडीओमध्ये मालिकेतील कलाकार महेश कोठारे यांच्यासोबत केक कापताना पाहायला मिळत आहे. जयदीप आणि गौरीची ही शेवटची भेट असल्यामुळे काही चाहते देखील नाराज असल्याचे पाहायला मिळत आहेत.

'सुख म्हणजे नक्की काय असतं' ही भन्नाट मालिका 2020 मध्ये प्रेक्षकांच्या भेटीला आली होती. 'सुख म्हणजे नक्की काय असतं' या मालिकेची निर्मिती महेश कोठारे यांनी केली आहे. ही मालिकेचा टीआरपी सुरुवातीपासूनच सुसाट होता. स्टार प्रवाह वाहिनीवर एकीकडे प्रेक्षकांच्या आवडत्या मालिका निरोप घेत आहेत. तर दुसरीकडे नवीन मालिका प्रेक्षकांचे मनोरंजन करण्यासाठी सुरु झाल्या आहेत. यात तु ही रे माझा मितवा, लग्नानंतर होईलच प्रेम आणि आईबाबा रिटायर होत आहेत या नवीन मालिकांचा समावेश आहे.