Premachi Goshta Serial Latest Promo:

मराठी टेलिव्हिजनवरील लोकप्रिय मालिका म्हणजे प्रेमाची गोष्ट. स्टार प्रवाहवरील ही मालिका प्रेक्षकांना खूप आवडते. मालिकेतील मुक्ता आणि सागरची केमिस्ट्री प्रेक्षक आवर्जुन पाहतात. मालिकेमध्ये रोज नवनवीन ट्विस्ट पाहायला मिळतात. मालिकेत आता लवकरच मुक्ताचे खोटे बोलणे सर्वांसमोर उघड होणार असल्याचे दिसत आहे.

प्रेमाची गोष्ट मालिकेत सईसाठी सागर आणि मुक्ताने लग्न केले आहे. परंतु त्यांच्या या नात्यात नेहमीच काही न काही गैरसमज होताना दिसत आहे. मालिकेत नुकताच सागरचा मुलगा आदित्यचा वाढदिवस साजरा होताना दिसत आहे. त्यानंतर आता घरातील दागिने गायब झाल्याने मोठा ट्विस्ट पाहायला मिळणार आहे. (Latest News)

मालिकेचा नवीन प्रोमो सध्या सोशल मीडियावर व्हायरल होत आहे. प्रोमोमध्ये सागरची आई इंद्रा मुक्ताचा घराबाहेर काढताना दिसत आहे. त्यावेळी इंद्रा म्हणते की, आज बाहेरच्यांना दागिने दिले. उद्या संपूर्ण घर विकून खाशील. त्यानंतर मुक्ताची बॅग घरातून फेकून देते. त्यावेळी सागर येतो आणि मुक्ताला घरात घेऊन येतो. यानंतर सागर मुक्ताला जाब विचारताना दिसत आहे, इतर वेळी नको तेव्हा खूप जास्त बोलता. आता गरज आहे तेव्हा गप्प बसलात. आज यांनी आपल्या घरची इज्जत वाचवली. त्यामुळे या घरची सून घराबाहेर जाणार नाही, असे सागर म्हणतो.

मालिकेत मुक्ता सध्या सागरची बहिण स्वातीला पैशाची मदत करताना दिसत आहे. त्यासाठी तिने घरातील दागिने गहाण ठेवण्याचा निर्णय घेतला आहे. ही गोष्ट घरात इतर कोणालाच माहित नाही आहे. त्यामुळे घरातील दागिने चोरीला गेल्याने सर्वज चिंतेत दिसत आहे. मुक्ताच्या सासूने मुक्तावर आरोप लावत तिला घराबाहेर काढले आहे. मात्र, सागर तिला पुन्हा घरात घेऊन येतो. त्यामुळे मालिकेत नक्की कोणता ट्विस्ट पाहायला मिळणार आहे यासाठी प्रेक्षक उत्सुक आहेत.

सागर- मुक्ताच्या नात्यात पुन्हा एकदा दुरावा येणार? मुक्ता हे सर्व कोणासाठी करतेय हे सागरला समजले का? असे अनेक प्रश्न चाहत्यांना पडले आहेत. येत्या काही भागात मालिकेत सागर-मुक्ताच्या नात्यात अनेक बदल पाहायला मिळणार आहेत.