'आई तुळजाभवानी' (Aai Tuljabhavani ) मालिका प्रेक्षकांचे भरपूर मनोरंजन करत आहे. आई तुळजाभवानीच्या आगामी भागात देवीच्या सामर्थ्याचा अद्वितीय प्रवास पाहायला मिळणार आहे. देवीच्या शक्ती आणि कर्तृत्वाचा जागर करण्यासाठी मालिकेत एक रोमांचक वळण येणार आहे. भवानी शंकर यांच्यासोबत संवाद आणि त्यातून उलगडणारे अलौकिक दैवी रूपे प्रेक्षकांना थक्क करणारी आहेत.

देवीच्या विविध रूपांची महती, तिचं भक्तांवरचे प्रेम आणि राज्याभिषेकाच्या माध्यमातून तिच्या शक्तिपीठाचे अधिकृतपणे प्रतिष्ठापन करण्याचा निर्णय यामुळे या भागात स्त्रीशक्तीचा जागर अनुभवायला मिळणार आहे. 'आई तुळजाभवानी' मालिकेचा विशेष भाग ८ मार्चला रात्री ९ वाजता पाहायला मिळणार आहे.

देवीचे जगत जननी रूप, तुळजाभवानीपासून महाकालीपर्यंतचा प्रवास आणि भवानी शंकरांचे मार्गदर्शन या सगळ्यांतून स्त्री शक्तीची अपार ताकद आणि तिचा आदर अधोरेखित होतो. या आगळ्यावेगळ्या भागात देवीचे साम्राज्ञी होण्याचे गूढ आणि त्यामागील कारणे उलगडली जाणार आहेत. देवीच्या राज्याभिषेकासाठी भवानी शंकरांचे वचन आणि त्यामधील श्रद्धा पाहून प्रेक्षक निश्चितच भारावून जाणार आहेत.

आई तुळजाभवानीचा राज्याभिषेक करून घेण्यास नकार आहे. भवानी शंकर तुळजाभवानीला समजवण्याचा प्रयत्न करताना दिसणार आहेत. तू साक्षात जगत जननी आहेस. आदिशक्ती, पार्वती, त्वरिता, शाकंभरी, महाकाली देखील तूच आहेस. आई तुळजाभवानी राज्याभिषेक करण्यास तयार होणार का? पाहणे मनोरंजक ठरणार आहे.