Marathi Reel star Death: सोशल मिडीयावर मराठी रील व्हिडिओ आणि मनोरंजनासाठी प्रसिद्ध असलेला रिल स्टार प्रथमेश कदमचे निधन झाल्याची दु:खद बातमी समोर आली आहे. चाहत्यांना आणि इंडस्ट्रीतील त्याच्या मित्र-मैत्रिणींना या घटनेने मोठा धक्का बसला आहे. प्रथमेश त्याच्या आईसोबतच्या मजेदार रील्समुळे मराठी डिजिटल विश्वात लोकप्रिय झाला होता. त्याच्या अचानक जाण्याने चाहत्यांमध्ये शोककळा पसरली आहे.

सोशल मिडीयावर त्याच्या फॉलोअर्सने शोक व्यक्त करताना #RIPPrathameshKadam हा हॅशटॅग व्हायरल केला आहे. त्याच्या अचानक जाण्यामुळे चाहत्यांमध्ये दुःखाचे वातावरण आहे आणि सोशल मिडियावर त्याच्या आठवणी, व्हिडिओजना उजाळा मिळत आहे.

प्रथमेश कदम खासकरून माय-लेकाच्या जोडीतील रील व्हिडिओंमुळे अत्यंत चर्चेत होता आणि त्यांच्या मजेशीर, सहज आणि आकर्षक अंदाजामुळे ते डिजिटल प्लॅटफॉर्मवर प्रसिद्धी मिळवू शकले होते. प्रथमेशचा सोशल मीडियावर मोठा फॉलोइंग होता. त्यांच्या रिल्सने फक्त मनोरंजनच नव्हे तर अनेकांना प्रेरणा देखील दिली.

प्रथमेश डिसेंबर 2025 मध्ये, एक व्हिडीओ पोस्ट केला. त्याने सांगितलं की, त्याची फसवणूक झाली आहे. त्यानंतर, तो काही काळ आजारी होता त्यामुळे त्याला हॉस्पिटलमध्ये दाखल करण्यात आले होते. त्याने हॉस्पिटलमधूनही व्हिडीओ पोस्ट करत चाहत्यांचे मनोरंजन केले होते.

प्रथमेशचे निधन नेमके कशामुळे किंवा कधी झाले याची अधिकृत माहिती अद्याप उपलब्ध झालेली नाही. परंतु त्याच्या निधनाने चाहत्यांचे आणि डिजिटल विश्वाचे हे नुकसान मोठे आहे. प्रथमेशचा मित्र तन्मय पाटेकरने इन्स्टाग्रामवर त्याच्या फोटोसह, ''तू सदैव आठवणीत राहशील प्रथमेश, देवाघरी स्वतःची काळजी घे रे ! खूप आठवण येईल तुझी Miss You Bhai' असे कॅप्शन देऊन त्याला श्रद्धांजली दिली आहे.