Shreya Bugade Trolled: अवघ्या महाराष्ट्राला आपल्या खास विनोदशैलीने 'चला हवा येऊ द्या'ची टीम सर्वांनाच नेहमी हसवत असते. कार्यक्रमातील प्रत्येक कलाकाराची ओळख आपल्या चाहत्यांमध्ये खास आहे. त्यातीलच एक कलाकार म्हणजे सागर कारंडे. सागर कारंडेने या कार्यक्रमातून चाहत्यांमध्ये विशेष ओळख निर्माण केली. आजवर या कार्यक्रमाच्या माध्यमातून सागरने प्रेक्षकांचं मनोरंजन केल्यानंतर त्याने 'चला हवा येऊ द्या' या बहुचर्चित कार्यक्रमाला रामराम केल्याची बातमी समोर आल्यानंतर प्रेक्षक नाराज झाले.

या कार्यक्रमात सागरने कधी प्रेक्षकांना खळखळून हसवलं, तर कधी पोस्टमन काका बनून रडवलं. मात्र आता सागर या कार्यक्रमात पोस्टमन काका म्हणून दिसणार नाही. या कार्यक्रमात सागरची जागा अभिनेत्री श्रेया बुगडेने घेतली आहे.

या आठवड्यात श्रेयाने पत्राचं वाचन केलं. श्रेयाने तिच्या सोशल मीडिया अकाऊंटवर पत्र वाचतानाचा व्हिडीओ चाहत्यांसोबत शेअर केला आहे. पण श्रेयाने वाचलेले हे पत्र कदाचित नेटकऱ्यांना पटलेलं दिसत नाही. तिच्या या व्हिडिओ नेटकऱ्यांनी कमेंट करत तिला ट्रोल करण्याचा प्रयत्न केला आहे.

यावेळी तिला नेटकरी म्हणतात, "सागरच्या आवाजात जी जादू आहे, तशी जादू श्रेयाच्या आवाजात नाही. आम्हाला पोस्टमन म्हणून सागरच हवा.", तर आणखी एक युजर म्हणतो, "सागर कारंडेच्या आवाजात असतं तर आणखीनच छान वाटलं असतं", "श्रेया सागर कारंडे तुझ्या पेक्षा चांगल्या आवाजात वाचतात आणि ते फक्त सागरलाच जमतं." असं म्हणत त्या नेटकऱ्याने श्रेयाची फिरकी घेतली. पुढचा युजर कमेंट करत म्हणतो, " खूप छान, मोटिवेशन कोट चांगला होता. पण तुझ्या पेक्षा सागरला चांगलं जमतं."

सागरने 'चला हवा येऊ द्या'मधून एक्झिट घेतली असून काही भागांत तो दिसून आला होता. आता त्याने पूर्णपणे हा कार्यक्रम सोडला असून त्याची जागा श्रेया बुगडेने घेतली असल्याचे म्हटले जात आहे. पण मिळालेल्या माहितीनुसार, 'चला हवा येऊ द्या'मधील सर्वच विनोदवीर 'पत्र वाचन' हा सेगमेंट करणार आहेत. अद्याप सागरकडून शो सोडला असल्याची माहिती मिळाली नसून त्याने अद्याप मौन बाळगले.