Vandana Gupte Video: ज्येष्ठ अभिनेत्री वंदना गुप्ते यांना अलीकडेच पावसाच्या पाण्यात पाय घसरून पडल्यामुळे गंभीर दुखापत झाली आहे. तिनी स्वतःने सोशल मीडियावर एक व्हिडीओ शेअर करून आपल्या तब्येतीची माहिती दिली. या व्हिडीओमध्ये त्यांनी सांगितले की त्यांना चालताना त्यांना भयंकर त्रास होत आहे. तरीही त्यांनी प्रेक्षकांची एका खास कारणामुळे माफी मागितली.

वंदना गुप्ते यांच्या पायाला दुखापत झाल्यामुळे त्यांना त्यांच्या 'कुटुंब कीर्रतन' या नाटकाचे प्रयोग रद्द करावे लागत आहेत. विशेषत: त्यांचं लोकप्रिय नाटक ‘कुटुंब कीर्रतन’चे पुण्यात १८ ऑगस्ट रोजी बालगंधर्व नाट्यगृहात होणारा प्रयोग आणि १९ ऑगस्ट रोजी बोरिवली येथे होणारा प्रयोग रद्द करण्यात आला आहे. या गोष्टीचं त्यांना दुख झालं असून याबद्दल त्यांनी प्रेक्षकांची माफी मागितली आहे.

हा निर्णय जाहीर करताना वंदना गुप्ते खूप भावूक झाल्या होत्या. त्यांनी चाहत्यांची माफी मागताना म्हटले की, “ही गोष्ट माझ्यासाठी खूप दुःखदायक आहे, मी माझ्या सर्व प्रेक्षकांना सॉरी म्हणते. पायाला दुखापत झाली यापेक्षा नाटकाचे प्रयोग रद्द झाल्याचे मला जात दुख आहे.” त्यांच्या या व्हिडीओमध्ये त्यांचा नातू रियानदेखील दिसतो, जो त्याचा आजीला लवकर बरे होण्यासाठी शुभेच्छा देताना दिसला.

वंदना गुप्ते यांच्या दुखापतीमुळे प्रेक्षक निराश झाले असले तरी सोशल मीडियावर त्यांना लवकरच बरं वाटू दे अशा कमेंट करत शुभ आशिर्वाद देत आहेत. रंगभूमीवरील त्यांच्या ‘कुटुंब कीर्रतन’ या नाटकाला प्रचंड प्रतिसाद मिळत आहे. या नाटकात त्यांच्यासोबत तन्वी मुंडले व संकर्षण कऱ्हाडे यांची मुख्य भूमिका आहेत.