मराठी अभिनेत्री सोनाली कुलकर्णी (Sonali Kulkarni) कायमच आपल्या उत्तम अभिनयासाठी ओळखली जाते. आजवर तिने अनेक हिट हिंदी, मराठी चित्रपट केले आहेत. सध्या अभिनेत्री सोनाली कुलकर्णी एका वेगळ्या कारणामुळे चर्चेत आली आहे. सोनाली कुलकर्णीच्या घरी एक नवा पाहुणा आला आहे. त्याची पहिली झलक पाहा.

अभिनेत्री सोनाली कुलकर्णीने नवी कोरी आलिशान कार (Sonali Kulkarni New Car) खरेदी केली आहे. ही कार अतिशय भव्य आणि सुंदर आहे. सोनाली कुलकर्णीच्या नवीन कारचे नाव मर्सिडीज-बेंझ जीएलसी हे आहे. अभिनेत्री आपल्या कुटुंबासोबत गाडी खरेदी करायला गेली होती. याचे फोटो सोशल मिडिया पाहायला मिळत आहे.

गाडीच्या शोरुममध्ये सोनालीने नव्या कोऱ्या गाडीची पूजा केली आणि त्यानंतर गाडीसोबत खास फोटोशूट देखील केले. शोरुममध्ये सोनालीसाठी खास डेकोरेशन केले होते. तिचे फोटो लावण्यात आले होते. मीडिया रिपोर्टनुसार, सोनाली कुलकर्णीच्या नव्या गाडीची किंमत 73.50 लाखांच्या वर आहे. सोनालीच्या गाडीचा रंग पांढरा आहे. जो खूपच छान दिसत आहे. सोनाली नव्या कोऱ्या कारमध्ये बसून ती चालवताना पाहायला मिळत आहे.

सोनालीने गाडी घेतल्यामुळे सध्या त्या पोस्टवर अनेक चाहते आणि कलाकारांकडून कमेंट्स आणि शुभेच्छांचा वर्षाव होत आहे. सोनाली कुलकर्णीचे दिल चाहता हैं, गुलाबजाम हे चित्रपट खूप हिट झाले आहेत. अलिकडेच सोनाली 'मानवत मर्डर्स' या थ्रिलर सीरिजमधून झळकली. सोनालीचा मोठा चाहता वर्ग आहे. ती कोणतीही भूमिका खूप छान पद्धतीने हाताळते.