Sonalee Kulkarni And Phulwa Khamkar Garva Dance: मराठी सिनेसृष्टीची अप्सरा म्हणून सोनाली कुलकर्णीची अवघ्या महाराष्ट्रात ओळख आहे. आपल्या सौंदर्यातून, अभिनयातून अभिनेत्रीने स्वत:चे स्थान निर्माण केले असले तरी, तिच्या अनेक चित्रपटांतील गाणे प्रेक्षकांना आवडतात. गाण्यांमुळे सोनालीची चाहत्यांमध्ये एक वेगळीच ओळख निर्माण झाली आहे. सोनालीच्या अप्सरा आली, तु ही रे माझा मितवा, रंग लागला या गाण्यांमुळे तिला एक वेगळीच ओळख मिळाली. अशातच सोनालीने एका डान्सचा व्हिडिओ सोशल मीडियावर शेअर केला आहे. तिने शेअर केलेल्या डान्सची सध्या तुफान चर्चा होत आहे.

सोनाली नेहमीच सोशल मीडियावर सक्रिय असते. सोशल मीडियाच्या माध्यमातून ती चाहत्यांसोबत अनेक फोटोज आणि व्हिडिओज शेअर करत असते. नुकतेच सोनालीने तिची मैत्रिण आणि नृत्यदिग्दर्शिका फुलवा खामकरसोबत एक डान्सचा व्हिडिओ शेअर केला आहे. या डान्स व्हिडिओत दोघींनीही गारवा गाण्यावर डान्स केला आहे. सध्या पावसाळ्याचे दिवस सुरू आहेत. अनेक प्रेक्षक पावसाळ्याच्या दिवसात आपल्या म्युझिकच्या प्ले लिस्टमध्ये आवर्जुन गारवा गाणं ऐकतातच.

आणि आज याच गाण्याला २५ वर्ष पुर्ण झाले आहेत. गाण्याला २५ वर्ष झाल्यानिमित्त सोनाली कुलकर्णी आणि फुलवा खामकरने भर पावसात ‘गारवा’ गाण्यावर डान्स केलाय. गाण्याला २५ वर्ष पुर्ण झाल्यानिमित्ताने सोनाली- फुलवाने गारवाच्या एका पॅचवर सुंदर डान्स केलाय.

या दोघींच्याही सुंदर डान्सला प्रेक्षकांनी चांगलीच पसंदी दर्शवलीय. याशिवाय लाईक्स आणि कमेंट्सचा देखील अक्षरश: पाऊस पाडला. दोघींनीही हा डान्स दादरच्या छत्रपती शिवाजी महाराज पार्कात समुद्राच्या ठिकाणी जी नवीन जागा आहे.

त्या ठिकाणी या दोघांनीही डान्स केलाय. शेअर केलेल्या व्हिडिओत स्पष्टपणे मागे बांद्रा- वरळी सी लिंक दिसत आहे. तर फेसाळणारा आणि उधाळणारा समुद्र देखील दिसतोय.

शेअर केलेल्या व्हिडिओला अभिनेत्रीने कॅप्शन दिला की, “या गाण्याच्या, अल्बमच्या गेली अनेक वर्ष प्रेमात आहोत… त्याचा गारवा आजही, तसाच जाणवतो, ताजा ताजा… थंडगार, आजही मनात गुदगुल्या होतात, अंगावर शहारे येतात… या गाण्यांवर नाचत, गात, आज अनेक पावसाळे अनुभवलो, जगलो… आज “गारवा” ला २५ वर्ष पूर्ण होत आहेत, या निमित्ताने आमच्याकडून हे एक छोटंसं..” अशा भावना सोनालीने व्यक्त केल्या..

‘गारवा’ हे गाणं १९९८ साली प्रदर्शित झाला होता, या गाण्याने सर्वांना अक्षरशः प्रेमात पाडलं. ‘ऊन जरा जास्त आहे’ असं म्हणत किशोर कदम आणि मिलिंद इंगळेंच्या या अल्बमने प्रेक्षकांच्या मनावर राज्य केलं. आज गारवा या गाण्याला २५ वर्ष पुर्ण झाली असली तरीही या अल्बमची जादू कायम आहे.