मुंबई: 'लागिरं झालं जी' मालिका फेम आज्या आणि भैयासाहेब पुन्हा एकत्र दिसले आहेत. निमित्त होते ' हर हर महादेव' चित्रपटाचे. दिवाळीच्या शुभमुहूर्तावर प्रेक्षकांच्या भेटीला हा चित्रपट आला आहे. या चित्रपटात शिवाजी महाराजांच्या पराक्रमाची गाथा सांगण्यात आली आहे. चित्रपटात मराठी चित्रपटसृष्टीतील अनेक दिग्गज कलाकार एकाच फ्रेम मध्ये झळकणार आहेत. त्या चित्रपटात आज्या अर्थातच नितिश चव्हाण ने ही महत्वपूर्ण भूमिका साकारली आहे.

नितेशच्या भूमिकेचे सर्वत्र कौतुक होत असून त्याचे महत्त्वपूर्ण पात्र आहे. त्याच्या जिवलग मित्राने ही त्याच्या भूमिकेचे कौतुक केले आहे. मालिकेत एकमेकांचे दाखवलेले कट्टर वैरी खऱ्या आयुष्यात खूप चांगले मित्र आहे. ते म्हणजे नितिश चव्हाण आणि किरण गायकवाड. सिनेमात छत्रपती शिवाजी महाराजांची आज्ञा शिरसावंद्य मानणाऱ्या त्यांच्या अनेक निष्ठावान, धाडसी आणि विश्वासू मावळ्यांपैकी एक म्हणजे धनाजी म्हसकर आणि ते पात्र अभिनेता नितिश चव्हाणनं साकारले आहे.

किरण गायकवाड ही सोशल मीडियावर बराच ॲक्टिव्ह असतो. चित्रपट पाहिल्यानंतर त्याने नितिशचे तोंड भरून कौतुक केले आहे. हे कौतुक त्याने सोशल मीडियावर पोस्ट करत केले आहे. पोस्ट करत कॅप्शनमध्ये लिहिलय की, 'हर हर महादेव कमाल सिनेमा. महाराजांचा सिनेमा म्हणजे कमाल असणारच. फार शब्द नाहीयेत कारण अशी कलाकृती शब्दात नाही मांडता येणार मला. हा सिनेमा चित्रपटगृहात जाऊनच बघा म्हणजे कळेल मला नक्की काय व्यक्त व्हायचंय. नीत्या लव्ह यू!

पोस्टसोबत किरणने नितिश सोबत एक फोटो शेअर केला आहे. त्या फोटोत किरणने नितिशला मागून मिठी मारली आहे. दोघांची निखळ मैत्रीतील स्मित हास्य देणारा फोटो प्रत्येकाचं लक्ष वेधून घेतोय. दोघांमध्ये किती सुंदर मैत्री आहे हे या फोटोमधून दिसत आहे.

Edit By: Chetan Bodke